थाहापाटी समाचार प्रभाव :- सैलुन र बेकरीलाई स्पष्टीकरण,मूल्य घटाउन राजी ,

थाहापाटी अनलाइनमा थाहा नगरभित्रका सैलुनको ठगी शिर्षकमा समाचार प्रकाशित भएपछी थाहा नगरपालिका एक्सनमा उत्रिएको छ।थाहा नगरभित्रका सैलुनहरुले जिल्ला नाइँ संघको अनाधिकृत मुल्यसुची राखी उपभोक्ता ठगी गरेको समाचार आएपछि जिल्ला प्रशासन कार्यालयले थाहा नगरपालिका लाई अनुगमन गरि कार्वाही गर्न पत्राचार गरेपछी थाहा नगरपालिकाको बजार अनुगमन समिती जुर्मुराएको हो।
थाहा नगरपालिका अनुगमन समितिका संयोजक समेत रहेका उपप्रमुख भरत गोपाली,थाहा नगरपालिकाका प्रशासकीय अधिकृत हरिलाल पुरी ,अनुगमन समिती सदस्य अनिल लामिछाने लगायतकाले नगरमा संचालित सैलुनका संचालकहरुलाइ कार्यालयमै डाकी स्पष्टीकरण सोधिएको थियो।स्पष्टीकरण पछि आइन्दा जिल्ला नाइँ संघको दररेट भन्दा बढी रकम नलिने सहमती भएको उपप्रमुख भरत गोपालीले बताए गोपालीले ग्राहकहरुलाइ पनि सचेत हुन आग्रह गर्दै आइन्दा एस्तो गरेको पाइयमा कानुनी कारवाही गरिने बताए।तेस्तै मिति अगावै र ढुसी परेको खाद्य सामाग्री बेचेको भन्दै बेकरी संचालक लाई पनि सचेत गराइ चेतावनी दियको छ।