Monday, 23 Nov, 2026
worldlink1-1789963258.gif

थाहा नगर

थाहाको स्थानीय बन महासंघ जिल्लामै उत्कृष्ट

1723215295384-1723215327.jpg


थाहा नगरपालिकामा क्रियाशील सामुदायिक वन उपभोक्ता महासंघ स्थानीय समिति(स्थानीय वन महासंघ) मकवानपुर जिल्लामै उत्कृष्ट ठहरिएको छ । मकवानपुरका पालिका स्तरीय स्थानीय वन महासंघका अध्यक्षहरुसहित बसेको जिल्ला महासंघको बैठकले थाहा नगरपालिका स्थानीय वन महासंघलाई जिल्लाका १० वटा पालिकास्तरीय स्थानीय महासंघहरुमध्ये उत्कृष्ट ठहर गरेको हो । 
जिल्ला महासंघले थाहानगर स्थानीय वन महासंघलाई उत्कृष्ट ठहर गरेसँगै प्रशंसापत्रसहित पुरस्कृत गरेको छ । २५ साउनमा नवौं सामुदायिक वन दिवसको अवसरमा हेटौंडामा आयोजित एक कार्यक्रममा स्थानीय वन महासंघ थाहानगरलाई प्रशंसापत्र प्रदान गरिएको हो ।
कार्यक्रमका प्रमुख अतिथि जिल्ला समन्वय समिति मकवानपुरका प्रमुख ललित घलानले सामुदायिक वन उपभोक्ता महासंघ थाहानगरका अध्यक्ष गणेशमान श्रेष्ठलाई प्रशंसापत्र प्रदान गरेका थिए । 
संगठन सुदृढीकरण अन्तर्गत् स्थानीय महासंघलाई क्रियाशील बनाएको, सामुदायिक वनहरुको अभिलेखीकरण गरेको, नियमित रुपमा कार्यसमिति बैठक तथा परिषद बैठक सञ्चालन गरेको, स्थानीय वन ऐन पारित गराउन भूमिका खेलेको तथा स्थानीय वन ऐनबारे सामुदायिक वन उपभोक्ता समितिका पदाधिकारीहरुलाई अभिमुखीकरण गरेको, लेखा तथा कार्यालय व्यवस्थापन तालिम सञ्चालन गरेको जस्ता प्रशंसनीय कार्यक्रम गरेकोले थाहा नगरस्थित स्थानीय महासंघलाई पुरस्कृत गरिएको जिल्ला महासंघका अध्यक्ष साधुराम चौलागाईले बताए ।    
मकवानपुरमा उत्कृष्ट भई पुरस्कृत भएपछि सामुदायिक वन उपभोक्ता महासंघ थाहानगरका अध्यक्ष श्रेष्ठले आगामी दिनमा अझ सशक्त हुन अवसर र चुनौति दुवै थपिएको बताए । उनले उत्कृष्ट ठहर गरेकोमा जिल्ला महासंघलाई धन्यवाद दिँदै यस स्थानमा पुग्नको लागि थाहा नगरपालिका, स्थानीय महासंघका पदाधिकारीहरु, सामुदायिक वन उपभोक्ता समूहहरु सबैको हात रहेको उल्लेख गरे ।
यस वर्ष ‘सामुदायिक वनको प्रभावकारिताः तीनै तहका सरकार र समूहको सहभागिता’ भन्ने नाराका साथ नवौं सामुदायिक वन दिवस मनाइएको हो । सिन्धुपाल्चोक जिल्लाको ठोकर्पा गाउँमा रहेको वनलाई व्यवस्थापनका लागि स्थानीय समुदायलाई हस्तान्तरण गरिएको २०३० सालको साउन २५ गतेलाई स्मरण गर्दै हरेक वर्ष २५ साउनमा सामुदायिक वन दिवसको रूपमा मनाउने गरिन्छ ।
यस अवसरमा मकवानपुरमा स्थानीय वन महासंघसहित सामुदायिक वनको विभिन्न विद्यामा उत्कृष्ट कार्य गर्ने सामुदायिक वन समूह तथा संचारकर्मीहरुलाई प्रशंसा पत्र प्रदान गरिएको हो । यस क्रममा हेटौडा–६ मा रहेको रानी सामुदायिक वन, चुच्चेखोला सामुदायिक वन हेटौडा–८ मा रहेको चित्रेपानी सामुदायिक वन हेटौडा–५ मा रहेको पिप्लेपोखरा सामुदायिक वन, हेटौडा–१९ मा रहेको चनौटा सामुदायिक वन र मकवानपुरगढी–५ मा रहेको बुङदल सामुदायिक वनलाई पनि प्रशंसा पत्र प्रदान गरिएको थियो । यसैगरी समृद्ध समाज राष्ट्रिय दैनिकका सम्पादक सुरेश श्रेष्ठ, सञ्चारकर्मी भीमसेन पौडेल र वनडढेलो नियन्त्रणमा सहजकर्ताको भूमिका निर्वाह गर्ने बुद्धिप्रसाद पौडेललाई प्रशंसा पत्र प्रदान गरिएको थियो ।

जिल्ला वन महासंघका अध्यक्ष तिमल्सिनाको अध्यक्षतामा भएको सो कार्यक्रममा प्रमुख अतिथि जिल्ला समन्वय समितिका प्रमुख घलानले सामुदायिक वनले वनको संरक्षणका साथै सामाजिक, शैक्षिक, स्वास्थ्य तथा धार्मिक क्षेत्रकोे विकासमा महत्वपूर्ण काम गरेको बताए । वातावरण सन्तुलन, हरियाली प्रवर्धनमा गरेको काम विश्वले प्रशंसा गरेको बताउदै उनले वन क्षेत्रको समग्र विकासमा तीन वटै तहको सरकारले सहयोग गर्नुपर्नेमा जोड दिए ।

nagar-1792329114.jpg

world-link-1690434568.jpg
madhab-1792328837.jpg
rojgar-1773826495.png
thaha-nagar-bord-6x8-2-1780286450.jpg
ऋषेश्वरमा १९ फिटको त्रिशूल अर्पण, मेलामा ७६ हजार रुपैयाँ भेटी संकलन
FB_IMG_1795180205308-1795180238.jpg

थाहा । मकवानपुरको थाहा नगरपालिका–४, दामनस्थित प्रसिद्ध ऋषेश्वर महादेव मन्दिरमा हरिबोधिनी एकादशीको अवसरमा १९...

ऋषेश्वरमा ठूलो एकादशी मेलाको तयारी पूरा, माछामासु, मदिरा र जुवाजन्य खेलमा प्रतिबन्ध
FB_IMG_1795097044022-1795097058.jpg

कात्तिक शुक्ल एकादशी अर्थात हरिबोधनी एकादशीको अवसरमा प्रशिद्ध ऋषेश्वर स्थानमा लाग्ने मेलाको तयारी पूरा भएको छ...

थाहामा १५औँ राष्ट्रिय कर दिवस मनाइयो, कर शिक्षा र कर छुटबारे जानकारी
FB_IMG_1795096641026-1795096655.jpg

थाहा । ‘कर न्याय र सुशासन सुनिश्चितता : समृद्धिमा नागरिक सहभागिता’ भन्ने नारासहित १५औँ राष्ट्रिय कर दिवस २०८३...

किसिपिडीका १४ वर्षीया किशोरी हराइन्, खोजीका लागि परिवारको अपिल
FB_IMG_1795054167484_1-1795054213.jpg

काठमाडौं। काठमाडौंको चन्द्रागिरि नगरपालिका–किसिपिडीस्थित श्री जनकल्याण विद्यालय नजिकबाट १४ वर्षीया किशोरी...

थाहावासीलाई काठमाडौंका अस्पतालमा उपचार सहुलियत
AISelect_20261118_191003_-1795008614.jpg

मकवानपुरको थाहा नगरपालिकाबासीले काठमाडौंका विभिन्न अस्पतालमा उपचार गराउँदा विशेष सहुलियत पाउने भएका छन्।...

पालुङ प्राथमिक स्वास्थ्य केन्द्र अब ‘थाहा नगर अस्पताल’
FB_IMG_1794908167086-1794908302.jpg

थाहा । मकवानपुरको थाहा नगरपालिकास्थित पालुङ प्राथमिक स्वास्थ्य केन्द्र अब ‘थाहा नगर अस्पताल’का रूपमा...

भीमफेदीमा कुलमान घिसिङको पार्टीको संगठन विस्तार तीव्र, टसी लामाको अध्यक्षतामा टोल कमिटी गठन
FB_IMG_1794831085532-1794831222.jpg

भीमफेदी, कार्तिक ३० । कुलमान घिसिङ नेतृत्वको 'उज्यालो नेपाल पार्टी' ले मकवानपुरको भीमफेदी गाउँपालिकामा आफ्नो...

न्हुलगाउँ टोल विकास संस्था बन्यो टी–२० कपको विजेता
InShot_20261114_203729620-1794704031.jpg

थाहा । थाहा नगरपालिका–१० स्थित बिशिङ्खेलको चम्पाकेश्वर खेल मैदानमा जारी न्हुलगाउँ टी–२० क्रिकेट...

थाहा–१० बिसिङ्खेलमा दुई मोटरसाइकल ठोक्किँदा चार जना घाइते
InShot_20261114_201206317-1794666583.jpg

थाहा । मकवानपुरको थाहा नगरपालिका–१० बिसिङ्खेलस्थित गणेशमान सिंह सडकखण्डमा दुई मोटरसाइकल एकआपसमा ठोक्किँदा...

shambhu-bhina-1792328742.jpg
dipak-karki-1792328765.jpg
rajan-dhakal-1792328785.jpg
dipak2-1792328806.jpg
rupesh-1792328822.jpg
ishor-1792328855.jpg
hirendra-1792328872.jpg
shikhar-1792328926.jpg
11-11-1792328949.jpg
9-1792329666.jpg
7-1792329686.jpg