थाहाका होटललाई स्तरीकरणको आधारमा लोगो प्रदान गरिने।

नेपाल सरकार कृषि तथा पशुपंछी बिकास मन्त्रालय अन्तर्गतको खाद्य प्रविधि तथा गुण नियन्त्रण बिभाग,खाद्य तथा गुण नियन्त्रण कार्यालय हेटौंडा द्वारा थाहा नगरपालिकामा संचालनमा रहेका होटल तथा रेस्टुरेन्ट हरुलाई खाद्य स्वच्छताका आधारमा होटल स्तरीयकरण तथा लोगो बितरण गर्नको लागि समूह गठन तथा होटल ब्याबसायी माझ अन्तरक्रिया कार्यक्रमको आयोजना गरेको छ।

थाहा नगर होटल एशोसियसन संगको समन्वयमा शंकर होटलमा आयोजित कार्यक्रममा खाद्य तथा गुण नियन्त्रण कार्यालयका खाद्य प्रमुख डा क्षितिज श्रेष्ठ तथा कार्यालयका प्रेम अर्यालले सहजीकरण गरेको कार्यक्रममा थाहा नगरभित्रका होटल व्यबसायिहरुको उपस्थिति रहेको थियो।

आधारभुत तर खाद्य स्वच्छताको न्युनतम आधारलाई सुधार गर्न आग्रह गर्दै पर्यटकीय क्षेत्रको होटल व्यवसायहरुको स्तरिकरण,मुल्यांकन तथा अनुगमन अति आबश्यक रहेको कार्यक्रममा बताइयो।

थाहा नगरपालिका वडा न ४ का अध्यक्ष नारायण लामाको प्रमुख आतिथ्यमा कार्यक्रम भएको हो ।

कार्यक्रममा खाद्य तथा गुण नियन्त्रण कार्यालयको रोहवरमा रहने गरि स्तरिकरण लोगो बितरण गर्नको निम्ति होटल एशोसियसन थाहा नगरको अध्यक्ष संयोजक रहने गरि स्थानीय खाद्य स्वच्छ्ता समिती गठन गरियको छ ,जस्को सदस्यहरुमा थाहा ४ का वडा अध्यक्ष ,स्थानिय होटल संचालकको प्रतिनिधि एक जना,ईलाका प्रहरी कार्यालयका प्रतिनिधि एक जना ,उपभोक्ता हकहित संरक्षण समितिका प्रतिनिधि र खाद्य कार्यालयका प्रतिनिधि एक जना रहने गरि समिती गठन गरियको छ।

कार्यालयले चित्लाङ र मार्खुको लागि असोज १० गते चित्लाङमा अन्तरक्रिया तथा दशै लगत्तै अनुगमन गरि लोगो बितरण गर्ने जनायको छ।