थाहाका सबै वडामा उपभोक्ता समितिलाई अनुशिक्षण दिइयो।

थाहा नगरपालिकाको १२ ओटै वडामा गठन भएका उपभोक्ता समितिका पदाअधिकारीहरुलाई अनुशिक्षण दिइएको छ । 

थाहा नगरपालिकाको १३औं नगरसभाबाट स्वीकृत भएको योजनाहरु आर्थिक वर्ष २०८०/०८१मा संचालनको लागि उपभोक्ताहरुलाई नगरपालिकाले अनुशिक्षण दिएको हो । नगरपालिकाले १७ भदौमा वडा नम्बर ६,र १ का  उपभोक्ता समितिका पदाअधिकारीहरुलाई  अनुशिक्षण दिएको थियो भने १८ गते ३,४ र २ नम्बर वडाका उपभोक्ता समितिका पदाधिकारीहरु लाई अनुशिक्षण दिएको थियो भने १९ गते ५ नम्बर वडा,२० गते ७ नम्बर वडा ,२१ गते ८ न वडा २२ गते ११ र १२ र २४ गते ९ र १० का उपभोक्ता समितिलाई अनुशिक्षण दिएको हो । समितिका पदाअधिकारीहरुलाई नगरपालिकाका प्रमुख प्रशासकीय अधिकृत कृष्ण गिरी,सह लेखापाल संदेश घिमिरे ,इन्जिनियर सन्तोष बोहरा,आन्तरिक लेखा परिक्षक सन्दिप पौडेल,योजना शाखाका प्रकाश कुमार लामा,  सहजीकरण गरेका थिए ।
 उनिहरुले उपभोक्ता समिति गठन प्रक्रियादेखि योजना संचालन तथा फछ््र्यौटसम्मको प्रक्रियामा गर्नुपर्ने कार्यको विषयमा सहजीकरण गरेका थिए । 
थाहा नगरपालिकाले उपभोक्ता समिति मार्फत संचालन गर्ने योजना चालु आर्थिक वर्षको फागुन मसान्त भित्रै सम्पन्न गर्ने तालिका वडा तहसम्म सर्कुलर गरेको छ । योजना कार्यान्वयन तालिकामा साउन महिनाभित्रै उपभोक्ता समिति गठनका कार्यक्रम सक्ने, १५ भाद्र भित्र लागत अनुमान तयार गर्ने गरी सर्कुलर वडामा आएको वडाध्यक्षहरुले बताएका छन् ।
उपभोक्ता समितिसंग असोज मसान्तभित्रमा सम्झौता सक्ने थाहा नगरपालिकाको योजना रहेको छ । तालिका अनुसार सम्झौता सम्पन्न भएको ५ महिनाभित्रमा उपभोक्ता समितिहरुले योजना सम्पन्न गरिसक्नुपर्नेछ । पालिकाले उपभोक्ता समिति मार्फत संचालन हुने योजना सम्पन्नको डेटलाइन फागुन मसान्त मानेको छ ।

यसैबीच पालिकाले ठेक्का मार्फत संचालन गर्ने योजनाहरुको भाद्र मसान्तसम्म लागत अनुमान तयार गरिसक्ने समयसीमा तोकेको छ । असोज महिनाभर बोलपत्र आव्हानको कार्यतालिका रहेको छ भने २० मंसिरभित्र ठेक्का सम्झौता गर्ने पालिकाको कार्यतालिका रहेको छ ।