थाहाका युवाले नगरसभाको अभ्यास गर्दै नमुना बजेट प्रस्तुत गरे।

थाहा नगरपालिकाको आयोजना तथा जिल्ला युवा समितिको कार्यालय मकवानपुरको संयोजनमा थाहा नगरपालिकामा पहिलो पटक आयोजना भएको नमूना युवा नगरसभाको अभ्यास सम्बन्धी ४ दिवसीय प्रशिक्षण कार्यक्रम बुधबार सम्पन्न भएको छ ।
गत असार ५ गते आइतबार देखि सुरु भएको कार्यक्रम ४ दिन संचालन भइ नमूना नगर सभा संचालन भएपश्चात समापन भएको हो । नमूना नगरसभालाई नगर सभा अध्यक्ष तथा नमुना युवा नगर प्रमुख बिस्मिता गोपालीले संचालन गर्दै नमूना नगर सभा उपाध्यक्ष ओमस प्रधानले बजेट बक्तब्य, बिनियोजन बियेयक २०७८ र आर्थिक बिध्येयक २०७८ पेश गर्दै पारित भएको थियो।थाहा नगरपालिकाका १२ वटै वडाका ४५ जना युवाहरुलाई युवा निति, नेतृत्व, राज्यप्रणाली, नेतृत्व बिकाश, युवा मार्गदर्शन, नगरपरिषद, यसको संरचना लगायतका बिषयबस्तुमा प्रशिक्षण प्रदान गरिएको जिल्ला युवा समितिका अध्यक्ष शिबहरि दाहालले जानकारी दिनुभयो ।अध्यक्ष दाहालले तालिममा युवा जीवन र मार्गदर्शन, लोकतन्त्र र लोकतान्त्रिक संस्कृति, सूचनाको हक, नेपालमा युवा संसदको अवधारणा र अभ्यास, युवा क्लब र युवा क्लब गठन प्रक्रिया, स्थानिय योजना निर्माणका सात तहहरु र वस्तीस्तरको योजना निर्माणमा युवा क्लबको भूमिका, नगरसभा संचालन सम्बन्धी कार्यविधि तथा गाउँ/ नगर सभामा पालना गर्नुपर्ने नियमहरुका विषयमा समेत राष्ट्रिय प्रशिक्षक मुना तिवारी र अशोक खनालले सहजीकरण गर्नुभएको जानकारी दिनुभयो ।प्रशिक्षण कार्यक्रमको थाहा नगरपालिकाको नगर प्रमुख बिष्णु बहादुर बिष्टले उद्घाटन गर्नुभएको थियो ।कार्यक्रममा नगर उपप्रमुख भरत गोपाली, विभिन्न वडाका वडा अध्यक्षहरु, जिल्ला युवा समितीका अध्यक्ष शिबहरि दाहाल,सामाजिक बिकास शाखाका प्रमुख अनिल लामिछाने, समाजसेवी बिमल कुमार ढकाल, शिक्षाबिद सानोभाइ कार्की, युवा अभियान्ता दिनेश कार्की, थाहा नगर उद्योग वाणिज्य संघका महासचिव सुरेन्द्रमान प्रधान लगायतको उपस्थिति रहेको थियो  भने आउदो असार १० गते थाहा नगरले आफ्नो नगरसभा बाट नीति तथा कार्यक्रम ल्याउदै गर्दाको पुर्व सन्ध्यामा नमुना युवा साम्सद कार्यक्रम अन्तर्गत रास्ट्रीय युवा परिषद तथा जिल्ला युवा समितिको समन्वय तथा थाहा नगरले आयोजना गरेको ४ दिने युवा नगरसभाको अभ्यास सम्बन्धि प्रशिक्षण कार्यक्रमको अन्तिम दिन नगर सभाको झल्को दिने गरि आर्थिक बर्ष २०७९/०८० को लागि थाहा नगरको अनुमानित आयब्यय बिबरण सहित बजेट पेश गरियो।