थाहाका दलित विद्यार्थीहरुलाई छात्रवृत्ति र जिविकोपार्जन रकम बितरण।

थाहा नगरपालिका सामाजिक बिकास शाखाको आयोजनामा ११ असारमा दलित लक्षित कार्यक्रम अन्तर्गत थाहा नगरपालिका भित्रका दलित हरुलाइ दलित विद्यार्थी उच्च शिक्षा अध्ययन गर्न  छात्रवृत्ति तथा बिपन्न दलित जिविकोपार्जन सुधार कार्यक्रम अन्तर्गत २९ जना विद्यार्थी लाई छात्रवृत्ति तथा तथा २३  जना  १२ वडाका दलित लाई जिविकोपार्जन अन्तर्गत सहयोग रकम बितरण गरियको छ।
छात्रवृत्ति अन्तर्गत ९ जनालाई स्नातक तह तथा २० जनालाई प्लस टु सरह अध्ययन गर्न र जिविकोपार्जन तर्फ पशुपालन तथा कृषि ब्यबसाय गर्न सहयोग रकम उपलब्ध गराइयको थाहा नगर सामाजिक बिकास शाखा प्रमुख अनिल लामिछाने ले जानकारी दिनुभयो। नगरपालिका बाट उच्च तह अध्यन गर्ने दलित विद्यार्थी सहितको पहिलो भेला आयोजना भएकोमा सहभागीले  खुशी ब्यक्त गर्दै ,अब लोकसेवा आयोग तयारी कक्षा , एड्भान्स कम्प्युटर लगायतका दलित विद्यार्थी लक्षित कार्यक्रम हरु नगरपालिकाले ल्याउनुपर्नेमा जोड दियका थिय।
थाहा नगरपालिकाका सामाजिक बिकास संयोजक दिनेश बलको अध्यक्षतामा सम्पन्न कार्यक्रममा सामाजिक बिकास सदस्य हरु पबित्रा ठकुरी,जनक कामी,कार्यपालिका सदस्य राम दर्जी,राम प्रसाद बिक ,सामाजिक बिकास शाखा प्रमुख अनिल लामिछाने ,तथा १२ वटै वडाका दलित महिला सदस्यहरुको उपस्थिती रहेको थियो।
कार्यक्रमको अन्त्यमा आगामी वर्षबाट दलित कार्यक्रम कसरी अगाडि बढाउने भन्ने छलफल  समेत भएको थियो।