तेश्रो उपमेयर कप प्रतियोगिता सुरु,१४ टिमको सहभागीता

थाहा नगरपालिका नगर खेलकुद बिकास समितिको  आयोजनामा आज  असार २६ गतेदेखी तेश्रो उपमेयर कप खुल्ला ब्याडमिन्टन कप (मेन्स डबल) प्रतियोगिता सुरु भएको छ।
प्रतियोगिता लाई थाहा नगरपालिकाका प्रमुख बिष्णु बिष्टले उद्घाटन गरेका छन।प्रतियोगिता उद्घाटन गर्दै प्रमुख बिष्टले "स्वास्थ्यको लागी खेलकुद" भन्ने नारालाई आत्मसाथ गर्दै एस्ता प्रतियोगिताले नगर भित्र कार्यरत कार्यालय कर्मचारी तथा स्थानीय बिच भाइचाराको सम्बन्ध स्थापित गर्दै लाने बिश्वास ब्यक्त गर्नुभयो।
थाहा ४ स्थित क्याम्पाडाडाको ब्याडमिन्टन कोर्टमा आयोजना हुने प्रतियोगितामा सहभागी १४ वटा टिमले सहभागीता जनायको खेल संयोजक अनिल लामिछानेले बताए।थाहा नगरभित्र कार्यरत कार्यालयका कर्मचारी वा थाहा नगर भित्रका स्थायी बसोबास भएका खेलाडिहरुको सहभागीता रहेको छ।
उद्घाटन कार्यक्रममा थाहा नगरका प्रमुख प्रशासकीय अधिकृत हरीलाल पुरी,लेखा महाशाखा प्रमुख हरी बहादुर खपाङ्गी ,प्रशासन महशाखा प्रमुख अजित घिमिरे लगायतका उपस्थिती रहेको थियो।
प्रतियोगितामा प्रथम हुनेले नगद १५ हजारका साथै शिल्ड तथा मेडल प्राप्त गर्नेछन भने दोश्रो र तेश्रो हुनेले क्रमस १० हजार र ७ हजार नगद सहित मेडल प्राप्त गर्ने छन ।