थाहामा पहिलो पटक नगरस्तरीय क्रिकेट प्रतियोगिता हुने

थाहा नगरपालिका क्षेत्रमा पहिलो पटक नगरस्तरीय क्रिकेट प्रतियोगिता आयोजना हुने भएको छ। हिमाली डाफे युवा क्लब, थाहा–१० को आयोजनामा हुने उक्त प्रतियोगिता यही चैत्र २५ गतेदेखि २०८३ साल वैशाख १ गतेसम्म सञ्चालन गरिने आयोजकले जनाएको छ।
प्रतियोगितामा सहभागी हुन इच्छुक क्लब तथा खेलाडीहरूलाई समयमै टिम दर्ता गर्न अनुरोध गरिएको छ। प्रतियोगितामा सहभागी हुन थाहा नगरपालिकाको स्थायी बासिन्दा हुनुपर्ने अनिवार्य व्यवस्था गरिएको छ। टिम दर्ता शुल्क ७,५०० रुपैयाँ तोकिएको छ भने प्रत्येक टिममा १२ देखि १६ जना खेलाडी हुनुपर्नेछ।
प्रतियोगिता आईसीसी (ICC) को नियमअनुसार सञ्चालन गरिनेछ। प्रत्येक खेल जितेमा टिमले २ अंक प्राप्त गर्नेछ भने टिम संख्या अनुसार प्रतियोगिताको ढाँचा निर्धारण गरिनेछ।
प्रतियोगितामा विजेता टिमले नगद ३१ हजार रुपैयाँसहित शिल्ड, मेडल र प्रमाणपत्र प्राप्त गर्नेछ भने उपविजेताले नगद १५ हजार रुपैयाँसहित शिल्ड, मेडल र प्रमाणपत्र पाउनेछन्। साथै ‘प्लेयर अफ द टुर्नामेन्ट’, उत्कृष्ट ब्याट्सम्यान र उत्कृष्ट बलरलाई समेत विशेष पुरस्कारको व्यवस्था गरिएको छ।
प्रतियोगितामा सहभागी हुनका लागि निरन थापा (९८०१०७१५८०), अम्बर बस्नेत (९८१६२५६८९२), गोविन्द थापा (९८१८६३१०२९) र दिनेश थापा (९८६१२२५८४२) मा सम्पर्क गर्न सकिने आयोजकले जानकारी दिएको