थाहामा ‘दोस्रो अष्टमान बल स्मृति कप’ खुल्ला फुटबल प्रतियोगिता हुने

थाहा, मकवानपुर — महाङ्काल युथ क्लबको आयोजनामा मकवानपुरको थाहा नगरपालिका–११ स्थित महाङ्काल खुकुरी चौरमा ‘दोस्रो अष्टमान बल स्मृति कप–२०८३’ ९-ए-साइड (9A Side) खुल्ला फुटबल प्रतियोगिता आयोजना हुने भएको छ।
​स्थानीय स्तरमा खेलकुदको प्रवर्धन तथा खेलाडीहरूको प्रतिभा प्रस्फुटन गराउने उद्देश्यले आयोजना गर्न लागिएको उक्त प्रतियोगिता आगामी २०८३ असोज २६ गतेदेखि सुरु हुनेछ।
​प्रतियोगितामा सहभागी हुन इच्छुक क्लब तथा टोलीहरूका लागि असोज २४ गतेसम्म टिम दर्ताको समयसीमा तोकिएको छ। प्रतियोगिताको टिम दर्ता शुल्क (Entry Fee) रु. ५,५०० रहेको छ।
​आकर्षक पुरस्कार तथा विधागत सम्मान
प्रतियोगिताको विजेताले नगद रु. ६०,००० सहित ट्रफी, मेडल र प्रमाणपत्र हात पार्नेछ भने उपविजेता टिमले नगद रु. ३०,००० प्राप्त गर्नेछ।
​यस्तै, प्रतियोगिताभर उत्कृष्ट प्रदर्शन गर्ने खेलाडीहरूलाई प्रोत्साहित गर्न विभिन्न व्यक्तिगत विधामा पनि पुरस्कार प्रदान गरिने आयोजकले जनाएको छ।
​सर्वोत्कृष्ट खेलाडी (Best Player)
​उत्कृष्ट गोलरक्षक (Best Goalkeeper)
​उत्कृष्ट डिफेन्डर (Best Defender)
​सर्वाधिक गोलकर्ता (High Scorer)
​प्रत्येक खेलको म्यान अफ द म्याच (Man of the Match)
​आयोजक महाङ्काल युथ क्लबले देशभरका सम्पूर्ण फुटबलप्रेमी, खेलाडी तथा क्लबहरूलाई प्रतियोगितामा सहभागी भई खेलको उत्सव मनाउन हार्दिक आह्वान गरेको छ। टिम दर्ता तथा विस्तृत जानकारीका लागि ९८०–९२१९२८३ मा सम्पर्क गर्न सकिनेछ।