तारेभिरमा १०८ बर्गफुटको गुरु रिन्पोछेको चित्र कोरिने कार्यको शुभारम्भ

भिमफेदी गाउँपालिकाको वडा नं ९ बसिफाँट र थाहा नगरपालिकाको प्रसिद्ध तिर्थस्थल ऋषेश्वर महादेव मन्दिर संगै रहेको तारेभिरको विशाल चट्टानमा गुरु रिन्पोछेको १०८ बर्ग फिटको चित्र कुँद्ने कार्यको २५ चैतमा शुभारम्भ गरिएको छ।
बागमती प्रदेशको मुख्यमन्त्री बहादुर सिंह लामाले आज एक समारोहमा बिच सुभारम्भ गरेका हुन । 
बौद्द परम्परा अनुसारको बिधिमा मुख्यमन्त्रीले उक्त कार्यको शुभारम्भ गर्नु भएको हो ।
 शुभारम्भ कार्यक्रममा आफ्नो मन्तब्य राख्दै वहाँले यो स्थानमा रिन्पोछेको चित्र कुँदने कार्य सम्पन्न भएपछी यस क्षेत्रमा बौद्द धर्मको प्रचारको साथमा धार्मिक पर्यटनले फड्को मार्ने र पर्यटन मार्फत यस क्षेत्रको  बासिन्दाको आयस्तर बढ्ने बिचार ब्यक्त गर्नु भयो साथै वहाँले यहाँसम्म आउनको लागि स्तरिय सडक निर्माणको लागि आगामी बजेटमा रकम ब्यवस्था गर्ने प्रतिबद्धता समेत व्यक्त गरेका छन।
कार्यक्रममा जिल्ला समन्वय समिती मकवानपुरको प्रमुख ललित घलान, भिमफेदि गाउँपालिकाको अध्यक्ष हिदम लामाले मन्त्यब्य दिनु भएको थियो । यो क्षेत्रमा बौद्द गुरु रिन्पोछेले तपस्या गर्नु भएको र वहाँकै अवतारको रुपमा पुजिने ज्याडल रिन्पोछे लगायतका बौद्ध गुरुहरुले तपस्या गरेको हुनाले बौद्द सम्प्रदायले पवित्र स्थलको रुपमा मान्दै आएको छ ।
बोधिचार्य फाउन्डेसनको पहलमा तारेभिरमा १०८ बर्ग फुटको चित्र कुँद्ने कार्यको सुभारम्भ भएको हो ।
कार्यक्रममा थाहा नगरपालिकाका उपप्रमुख भरत गोपाली लगायत बौद्ध गुरुहरुको उपस्थिति रहेको थियो।

भीमफेदी र थाहा नगरपालिकाको सिमानामा पर्ने तारेभिर र ऋषेश्वर मन्दिर हिन्दु र बौद्धमार्गीको संगमस्थल हो । हिन्दुहरुले यस क्षेत्रमा सतिदेवीको अंग पतन भएको स्थलको रुपमा लिने गर्छन् भने बौद्धमार्गीहरुले बौद्ध गुरु पद्मसम्भवले तपस्या गरेका धार्मिक स्थलको रुपमा लिने गरेका छन् ।

तारेभिरमा बोधीचार्य फाउन्डेसनको पहलमा १०८ वर्ग फुटको चित्र कुँद्ने कार्यको आरम्भ गरिएको भीमफेदी गाउँपालिका अध्यक्ष हिदम लामाले बताए । ‘भारतका अध्ययन गर्ने लामा गुरुहरुले यहाँ गुरु रिपोन्छेको चित्र कुँद्‌ने छन्,’ उनले भने, ‘करिब चार महिनामा यो काम सम्पन्न हुने अनुमान गरिएको छ ।’ त्रिभुवन राजपथको सिमभन्ज्याङबाट आधा घन्टा हिँडेपछि यहाँ पुगिन्छ ।