तामाङ घेदुङले थाहामा तामाङ लिपिको प्रशिक्षण दिदै।

थाहा नगरपालिकाको आर्थिक सहयोग तथा नेपाल तामाङ घेदुङ थाहा नगर कमिटीको आयोजनामा ३ दिने तामाङ भाषा तथा लिपि सम्बन्धि अनुशिक्षण तथा प्रशिक्षण कार्यक्रम आज बाट थाहा नगरको साहारा रिसोर्टमा सुरु भएको छ।
नेपाल तामाङ घेदुङ संघको नगर अध्यक्ष दिपक लामाको अध्यक्षतामा सुरु भएको कार्यक्रममा नेपाल तामाङ घेदुङ संघ बागमती प्रदेश अध्यक्ष लिला कुमार घलान,घेदुङ संघका केन्द्रिय सल्लाहकार तथा मुख्य प्रशिक्षक लिला बहादुर स्याङ्तान,केन्द्रिय सदस्य तथा मकवानपुर जिल्ला इन्चार्ज सुवास लामा,बुद्धिजीवी तथा कानुनबिद कल्याणबिक्रम घलान ,प्रेस सेन्टर थाहा नगर अध्यक्ष शम्भु अधिकारी,दामन एफएमकि पत्रकार अम्बिका केसी लगायतका उपस्थिती रहेको उद्घाटन कार्यक्रममा कार्यक्रमको उद्देश्य बारे प्रकाश पार्दै प्रदेश अध्यक्ष लीलाकुमार घलानले भासिकरुपमा कमजोर हुँदै गैरहेको अबस्थामा शुस्त हुन लागेको लिपि लाई बिस्तार गरि विद्यालय स्तरमै तामाङ लिपि अध्ययन गराइ आफ्नो भाषा संरक्षण गर्ने र सरकारी कामकाजमा आफ्नो मातृभाषा प्रयोगमा जोड दिनु नै कार्यक्रमको उद्देश्य रहेको प्रस्ट पार्नुभयो ।
कार्यक्रममा ३ दिन सम्म तामाङ भाषा सम्बन्धि लिपि को ज्ञान् दिइने आयोजक घेदुङ संघका नगर अध्यक्ष दिपक लामाले जानकारी दिनुभयो।