चित्लाङमा होटल तथा पर्यटन व्यवसायीको अधिवेशन : मुख्य मन्त्रीले उद्घाटन गर्ने 

होटल तथा पर्यटन व्यवसायी संघको वागमती प्रदेश समितिको अधिवेशन थाहाको चित्लाङमा हुने भएको छ । संघले चित्लाङमा तयारी कार्यक्रम गरेर यहि फाल्गुण १७ गते चित्लाङमा अधिवेशन आयोजान गर्न लागिएको जानकारी दिएको हो ।  
मकवानपुरको चित्लाङमा आफ्नो दोस्रो अधिवेशन गरेर चित्लाङलाई पर्यटकिय नगरीको रुपमा चिनाउन लागेको संघका महासचिब गोबिन्द नेपालले बताउनु भयो ।  
चित्लाङ रिसोर्टमा भएको कार्यक्रममा वागमती प्रदेश अध्यक्ष सन्तोष उप्रेतीले प्रदेशका १३ जिल्लाबाट समितिका प्रतिनिधि तथा पर्यवेक्षक लगाएत सदस्य तथा अतिथि गरेर ५ सय जना कार्यक्रममा सहभागि हुने जानकारी दिनु भयो । 
अधिवेशनको उद्घाटन बागमती प्रदेशका मुख्य मन्त्री शिलीकराम जम्मरकटेलले गर्ने कार्यक्रम रहेको र प्रदेशका पर्यटन मन्त्री लगाएतको अतिथ्यता रहने पनि जानकारी गराईएको थियो । 
कार्यक्रम सफल पार्न स्थानिय व्यवसायीहरु उत्साहित रहेको र कार्यक्रमले चित्लाङलाई पर्यटकिय गन्तब्यका रुपमा चिनाउन सहयोग गर्ने संघका सदस्य तथा व्यवसायी रामशरण नेपालले बताउनु भयो । 
अधिबेशनका समयमा फरक सोचको समन्वयमा चित्लाङमा फाल्गुण १६ र १७ गते थाहा फोटो प्रदर्शनी समेत गरिने भएको छ ।