गैरीगाउँ लाई गढीगाउँको रुपमा चिनाउदै पालुङ जेसिज

थाहा नगरपालिका वडा न २ गैरीगाउँ माथिको आकासे  देवि डाडामा रहेको इतिहास र पुरातात्त्विक महत्व बोकेको गढी संरक्षणमा पालुङ जेसिजले चासो देखाएको छ।

परापूर्व कालमा पालुङ राज्यको दरबार संरक्षणका लागि उक्त डाँडामा गढी रहेको र नेपाल एकीकरणका क्रममा पृथ्बीनारायण शाहले पालुङ राज्यमाथि आक्रमण गरी उक्त पालुङ गढी र पालुङ दरवारलाई ध्वस्त बनाएको किम्बदन्ती रहेको छ ।
हाम्रो सम्पदा परिदृष्य र पुरातन संस्कृतिको प्रवर्द्धन भन्ने नाराका साथ थाहा नगरपालिका वडा न २ को आकाश देवि डाडामा रहेको गढी लाई संरक्षण तथा प्रवर्द्धन गर्न गढिमै जेठ ९ गते बिहान नगर उपप्रमुख र वडा जनप्रतिनिधि सहित स्थानीय संग अन्तर संबाद तथा स्थान परिचय कार्यक्रम गरेको हो।
थाहा नगर भित्र रहेको ऐतिहासिक तथा पुरातात्त्विक स्थानको पहिचान गरि तेसको संरक्षण गर्दै थाहा नगरको पर्यटन उद्योग लाई उकास्न सहयोग गर्ने र युवाहरू लाई आफ्नो स्थानमा अवस्थित लुकेर रहेका ऐतिहासिक स्थानको बारेमा जानकारी समेत दिन सकियोस भनेर कार्यक्रमको आयोजना गरिएको पालुङ जेसिज बर्ष २०२३ का अध्यक्ष संगम कार्कीले बताए।
कार्यक्रममा थाहा नगरका उपप्रमुख भरत गोपालीले प्राचीन र पुरातात्विक महत्वका सम्पदाहरु दिनप्रतिदिन लोप हुँदै गएकोमा संरक्षणमा ध्यान दिन सबैसंग आग्रह गर्नुभएको थियो ।
थाहा नगरको ऐतिहासिक धरोहरलाई संरक्षण गर्नु स्थानीय तहको पहिलो दायित्व रहेको बताउनुभयो । थाहा लाई चिनाउन यहाँको पुरातात्विक सम्पदाहरुको संरक्षण जरुरी रहेको उहाँले बताउदै संरक्षणमा पालुङ जेसिजले देखाएको चासोप्रती आभार व्यक्त गरे।
कार्यक्रममा वडा अध्यक्ष बम बहादुर सिन्तान,वडा सदस्य युवराज बिष्ट,स्थानीय अगुवा गोविन्द कार्की ,पालुङ जेसिजका पुर्व अध्यक्ष सानोभाइ कार्कीले सम्पदा संरक्षणमा थाहा नगरको नेतृत्व हरु र स्थानीय दुवैले चासो लिनुपर्ने धारणा व्यक्त गरेका थिए ।
कार्यक्रममा पालुङ जेसिजका पुर्व अध्यक्षहरु,२०२३ का कार्यसमिति पदाधिकारी लगायत स्थानीयको उपस्थिति रहेको थियो।