कृष्ण जात्रा २०८०:- लिटल राधाकृष्ण प्रतियोगिता संगै घैटो फुटाइने,

थाहा नगरपालिकामा इन्द्रायणी र बज्रवाराही माइको जात्रापछि मानिसको सबभन्दा बढी भिड लाग्ने कृष्ण जात्रा ,घैटो फुटाउने जात्रा तथा लिटिल राधाकृष्ण प्रतियोगिता र लिटल लाखे प्रतियोगिता यस  बर्ष पनि भव्य रूपमा हुने भएको छ। 

हरेक बर्ष कृष्ण जन्माष्टमीको भोलिपल्ट थाहा नगरको मुख्य बजार शिखरकोटमा घैटो फुटाउने जात्रा तथा लिटल राधाकृष्ण र लिटल लाखे प्रतियोगिता हुने   गर्दछ।

२०५४ सालदेखि निरन्तर रुपमा शिखरकोट बजार ब्यबस्थापन समिती र शिखर क्लबको आयोजना तथा गोपाली गाउँको नेवारी सस्कृतीको सास्कृतिक सहयोगमा आयोजना हुँदै आइरहेको २३ औं घैटो फुटाउने जात्रा भब्य र सभ्य रुपमा सम्पन्न गर्न मेला व्यवस्थापन उपसमिति समेत गठन गरिएको छ।
 यो बर्ष घैटो फुटाइ सङै अन्य विविध कार्यक्रम हरु बाल राधाकृष्ण प्रतियोगिता ,बाल लाखे नाच प्रतियोगिता तामाङ समुदायको ढ्याङ्रो नाच प्रदर्शनी ,गोपाली तथा पालुङ्गको धिमे बाजा सहित लाखे नाच समेत प्रदर्शन गरिने छ।भने महिला पंचेबाजा र महिला खैचेडी भजन सहित adidod डान्स समुहको बेजोड सांस्कृतिक प्रस्तुती समेत रहने आयोजकले जनाएको छ।
मेला तथा कार्यक्रम व्यवस्थापन गर्नको निम्ति आयोजक बजार व्यवस्थापन समिती र शिखर क्लवको भाद्र १३ गते बसेको बैंठकले विभिन्न जिम्मेवारि समेत तोकेको छ।

भाद्र २० गते कृष्ण मन्दिरमा पुजाआजा सहित लिटल राधाकृष्ण प्रतियोगिता सहित लिटल लाखे,धिमे बाजा र तामाङ ढ्याङ्रो झाकी सहित पालुङको महिला पंचेबाजा र किटेनिको महिला खैचडी भजन समेत प्रदर्शनी हुने आयोजकले जनाएको छ भने भाद्र २१ गते डान्सको भरपुर स्टेज कार्यक्रम सहित दिउँसो १ बजेबाट घैटो फुटाउने प्रतियोगिता हुने छ भने तेसपछि श्रीकृष्णको रथ यात्रा प्रारम्भ भै जात्रा समापन गरिने बजार व्यवस्थापन समितिको अध्यक्ष मनोज रायमाझीले जानकारी दिए।

रायमाझीका अनुसार लिटल राधाकृष्ण प्रतियोगितामा नाम दर्ता गर्न निशुल्क हुने तथा नाम दर्ता गराउनको निम्ति फोन न ९८५५०७२५३३ र ९८१८७२७९२८ मा सम्पर्क गर्न सकिने छ।