कृष्ण जात्रा तथा लिटल राधाकृष्ण प्रतियोगिताको तयारी पूरा।

बिगत २६ बर्ष देखि निरन्तर रूपमा थाहा नगरपालिकाको शिखरकोटमा लाग्दै आएको कृष्ण जात्राको तयारी पूरा भएको छ।
आयोजक शिखरकोट बजार व्यवस्थापन समितिको अनुसार मन्दिर तथा बजार क्षेत्रलाई शृङ्गारने काम सक्किसकेको तथा सांस्कृतिक कार्यक्रमको लागि स्टेज निर्माण कार्य भैरहेको समितिका अध्यक्ष मनोज रायमाझीले जानकारी दिए।

रायमाझीका अनुसार भोलि बिहानै देखि मन्दिरमा पुजा गर्ने भक्तजनको भिड हुने भएकोले स्वयंसेवक परिचालन गरिने बताउदै ट्राफिक जाम हुने हुँदा पसल हरुलाइ सडक छेउछाउ नराख्न आग्रह गरियको बताए।
भोलि २० गते लिटल राधाकृष्ण प्रतियोगिता संगै लिटल लाखे,महिला पन्चेबाजा,महिला खैजडी भजन,तामाङ ढ्याङ्रो नाच सहित झाकी प्रदर्शनी हुने छ भने २१ गते घैटो फुटाइ र श्रीकृष्ण रथारोहण सहित जात्रा समापन गरिने छ।
२०५४ साल देखि शिखरकोट बजार व्यवस्थापन समिती,शिखर क्लव र गोपाली समाजले संयुक्त रुपमा जात्राको आयोजना गर्दै आइरहेको छ।

लिटल राधाकृष्ण प्रतियोगितामा निशुल्क रुपमा आफ्ना नानिबाबु लाई सहभागी गराउन पाइने आयोजक समितिका विश्व अर्यालले जानकारी दिएका छन।लिटल राधाकृष्ण प्रतियोगितामा भाग लिनको लागि २० गते ११ बजेसम्म आफ्ना नानिबाबुको नाम दर्ता गरिसक्नुपर्ने आयोजकले जनाएको छ जस्को लागि मनोज रायमाझी लाई ८९५५०७२५३३ मा सम्पर्क गर्न सकिने छ।
बिजेतालाइ नगद पुरस्कारको समेत व्यवस्था रहेको छ।