कुन्छाल कुलेखानी सडक निर्माण अनुगमन समिती द्वारा कार्यविवरण माग।

कुन्छाल कुलेखानी सडक निर्माण अनुगमन समितिले थाहा नगरपालिका वडा न १ र ६ भैरहेको सडक स्तरोन्नति कार्यको स्थानीय राजनीतिक दल र सरोकारवाला हरुलाई कार्यविवरण जानकारी गराउन आग्रह गर्दै थाहा नगरपालिका लाई समन्वय गरिदिन आग्रह गरेको छ।
आज थाहा नगरपालिकाको कार्यालयमा कुन्छाल कुलेखानी सडक निर्माण अनुगमन समितिका सदस्य हरुले नगर प्रमुख बिष्णु बिष्टलाई वहाँकै कार्यकक्षमा भेट्दै निर्माण कम्पनी संग प्राविधिक डिजाइन र स्टमेट समेत उपलब्ध गराउन सहजीकरणको लागि अनुरोध गरेको अनुगमन समितिका संयोजक ईन्द्र बहादुर श्रेष्ठले बताउनुभयो।
साथै सो निर्माण कार्य भैरहेको क्षेत्रमा नगरपालिका बाट प्राविधिक कर्मचारी समेत उपलब्ध गराइ कामको गुणस्तर अनुगमन गर्न नगरलाइ अनुरोध गरिएको श्रेष्ठले बताए।
भेटमा नगर प्रमुख बिष्टले निर्माण कार्यको नगरपालिकाले आफ्नो तरिकाले अनुगमन गरिरहेको बताउदै स्टमेट अनुसार कार्य गराउन थाहा नगरपालिकाले सघन सहरी बिकास कार्यालय संग समन्वय गरिरहेको बताउदै स्थानीय स्तरको अनुगमनले पनि गुणस्तरीय काम गरे नगरेको हेर्न आग्रह गरेको अनुगमन समितिका सदस्य सानुकाजी गोपालीले बताउनुभयो।
भेटमा संयोजक श्रेष्ठ सहित सानुकाजी गोपाली ,महेश्वर सुवेदी ,श्यामकृष्ण जोशी,योगेन्द्रमान श्रेष्ठ ,मनहरी भट्ट ,प्रमोद गोपालीको उपस्थित रहेको थियो।
साथै समितिले थोप्ले डाडा देखि बासको झ्याङ सम्म १० मिटर,बासको झ्याङ देखि दुप्चे बजार पुल सम्म १४ मिटर ,र दुप्चे पुलदेखी बाकी भाग १० मिटर सडक स्तरोन्नति गर्ने जनाएको छ।