करुणाभुमी वन सरोकारवालाहरुको बोलाएको भेला स्थगित

बिगत १२ वर्षदेखि निष्क्रिय रहि नवीकरण हुन नसकेको  क्षेत्रफलको हिसाबले जिल्लाकै  सबैभन्दा ठूलो  करुणाभुमी  सामुदायिक वन उपभोक्ता समितिको कामकारबाहीहरु शुन्य भएको,जङ्गल बिनाशको गतिविधिहरु उत्कर्स बिन्दुमा पुगेको भन्दै करुणाभुमी सामुदायिक वन संग सरोकार राख्ने उपभोक्ता हरुले  हालमा सो वनमा देखिएको तमाम कमि कमजोरिहरुलाई सुधार्ने र सम्बन्धित समितिलाई सचेत गरि  र छिट्टै वनको नवीकरण गराई सम्पुर्ण हिसाब पारदर्शी रुपमा बुझाउनुपर्ने भनी चैत २२ गते सिमभन्ज्याङ्को फन पार्कमा  स्थानीय वन संरक्षक सरोकारवालाहरुले आयोजना गरेको भेलाले गरेको निर्णय तत्काल कार्यान्वयन नहुने भएको छ। 
सो भेलाले आउदो शनिबार चैत २५ गते थाहा-४ स्थित गोलमोडमा सरोकारवालाहरुको भेला राख्ने निर्णय गरेको थियो।
सम्बन्धित वन समितिको पदाधिकारीहरु संग भएको छलफलमा २०८० को बैशाख सम्ममा वनको नवीकरण गर्ने गरि द्रुत गतिमा प्रक्रिया अघि बढिरहेको जानकारी आएकोले  समितिको पदाधिकारी र सरोकारवालाहरु  बिच हुने  बैठक पश्चात् मात्र वनको भेला राख्ने गरि निर्णय हुने  सरोकारवालाहरुले जानकारी गराए।
बिगत देखिनै नविकरणको प्रयास निरन्तर गरेको, विभिन्न प्रक्तियागत झन्झट र आर्थिक समस्याको कारण कार्ययोजना नविकरणमा ढिलाई भएको भएपनी महत्वपूर्ण पर्यटकिय पुर्वाधार निर्माण भैरहेको र आम उपभोक्ताले आवस्यक बन पैदावार निर्वाध रुपले उपभोग गरिरहेको  वनका अध्यक्ष विनोद कुमार लामाले बताउनुभयो साथै अध्यक्ष लामाले सचेत उपभोक्ताहरुले उठाएको जायज सवालमा बन समिती गम्भीर रहेको र सकारात्मक सुझावलाई सम्मान पनि ब्यक्त गरिएको एवम पर्यटनलाई मुख्य बनाएर कार्ययोजना तयार भैरहेको र तत्कालै नविकरण हुने जानकारी गराए।
अध्यक्ष लामाले बनमा अनिमियतता भएको, भ्रष्टाचार भएको जस्तो निराधार हल्ला र भ्रममा नपर्न पनि आह्वान गर्नुभएको छ।