ऋषेश्वर स्थित गुम्बा प्रमुख लामाको निधन।

गत मंगलबार १७ गते दामन-सिमभन्ज्याङ स्थित प्रख्यात धार्मिक क्षेत्र ऋषेश्वर(छ्युमिझ्याङ) गुम्बाको प्रमुख लामा बाजेको  निधन भएको भएको छ। मृतक लामाको छोरी छोकी लामा शीत फोन सम्पर्कमा  उहाँले बुवाको १७गते  देहावसान भएको जानकारी गराउनुभएको हो। बृद्ध अबश्थाको कारण ९४ वर्षको उमेरमा उहाँको स्वर्गबास भएको छ।। बिगत ७० वर्ष देखि उहाँले यश पुण्य क्षेत्रको रेखदेख गर्दै जगेर्ना गर्दै आउनुभएको थियो। यश क्षेत्रको संरक्षणको निम्ति उहाँको अमुल्य योगदान रहेको छ।

दु:खद घटना बारे सुने लगत्तै स्थिति बुझ्न थाहापाटी सहकर्मी दावा शेर्पा गुम्बा पुगेका थिय । गुम्बामा छोरी छोकी लामा र दाजु जिङ्सेन अनि केही भक्तजनहरु बाहेक अन्य कोहि पनि थिएनन् ,लाग्थ्यो त्यहाँ केही भएकै छैन ।। सदा झैं शान्त अनि सामान्य वातावरण थियो। मैले घट्ना बारे उहाँशीत सोधे र शान्त स्वभावमा,सामन्य तरिकाले उहाँले भन्नुभयो कि बुवा स्वर्गबास हुनु भएको कुरो सत्य हो। बुवाको निधनले हामी मर्माहित भएका छौं तर यो त एउटा मानव जिवनको प्रक्रिया हो। त्यसैले उहाँको आत्माको चिर शान्तिको निम्ति व्याकुल हुनुभन्दा पनि धैर्य धारण गर्दै उहाँको आत्माले मोक्ष प्राप्त गर्नको निमित्त शान्त अनि स्थिर मनले भगवानको पाठपुजा गरिरहेको बताउनुभयो।

बौद्ध धर्म अनुसार लामा प्रमुख र निजको श्रीमतीलाई १३औं दिनको पुण्य तिथि दशमिको दिनमा अन्तिम संस्कार गरि बिदाई गरिने विधि एबम् परम्परा रहेकोे हुँदा उहाँको पार्थिव शरीरलाई पनि १३औं दिनमा आउदो जेठ २६ गतेको दिन गुम्बा परिसर भित्रै अन्त्यस्टी गरिने बताउनुभयो । १३ अंकलाई अशुभताको प्रतीक मानिएको र सोही दिन सम्पुर्ण अशुभ कार्यको पनि अन्त्य गर्नु उत्तम हुने धार्मिक बिश्वास रहेको छ। अन्त्यस्टि नगरुन्जेल सम्म उहाँ ध्यान योगमा नै रहेको धार्मिक मान्यतालाई आत्मसात गर्दै शोक सन्तप्त परिवारलाई भेट्न जानुहुने आदरणीय प्रीयजनहरुमा शान्ति कायम गरिदिनहुन सादर अनुरोध गरिएको छ।