ऋषेश्वर मन्दिर परिसर सरसफाइ लाई निरन्तरता दिदै किटेनीका युवाहरु,

थाहा नगरपालिकामा अवस्थित प्रसिद्ध धार्मिक स्थल ऋषेश्वर मन्दिर र बाटो सरसफाइ गरियको छ।
थाहा नगरपालिका ४किटेनीका सक्रिय युवा क्लबका युवाहरुले चैत ११ सनिवार मन्दिर परिसर र मन्दिर जाने बाटो सरसफाइ गरेका थिय भने नयाँ बर्षको पुर्व सन्ध्यामा चैत ३० गते ऋषेश्वर मोड सफा गरेको सरसफाइ कार्यक्रमका अगुवा ,साहित्यकार भद्रध्वज गौतमले बताए ।
थाहा ४ किटेनीका युवा सहितको सहभागीतामा सरसफाइ गरियको तथा ठाउँठाउँमा जथाभावी फोहोर नफाल्न आग्रह गरियको सुचना बोर्ड पनि राखियको क्लवका कृष्णजी स्याङ्तानले बताए।
मन्दिर दर्शन गर्न आउने भक्तजनहरुले फालेका पानीका बोतल,पुजा सामाग्री लाने पाल्स्टिक ,सिसि आदि टिपेर बोरामा हाली मन्दिर छिर्ने मोडमा लेरायर राखिएको छ।
त्रिभुवन राजमार्ग बाट एक हजार मिटर पैदल हिडेर पुगिने जिल्लाकै प्रसिद्ध धार्मिक स्थल जाने बाटो र मन्दिर फोहोर भएपछि स्थानिय युवाहरुले चासो देखाएका हुन। 
दिनदिनै भक्तजन हरुको उल्लेख उपस्थिती हुने धार्मिक स्थल वरपर फोहोर व्यवस्थापन गर्न वडा र नगरले चासो दिनुपर्ने सरोकारवालाको भनाइ रहेको छ।तेस्को लागि नगरपालिकाले मन्दिर व्यवस्थापन समिती निर्माण गरेर जिम्मा दिनुपर्ने स्थानियको आवाज रहदै आएको छ।