हिमालयनले बिज्ञान प्रदर्शनीमा उत्कृष्ट हुने विद्यार्थीलाई सम्मान गर्यो।

थाहा नगरपालिकामा निजीक्षेत्र बाट संचालित विद्यालय हिमालयन इङलिस बोर्डिङ स्कुलले थाहा नगरपालिका द्वारा आयोजित तथा झम्केश्वरी माबिको व्यवस्थापनमा भएको थाहा नगर स्तरीय माबी बिज्ञान प्रदर्शनीमा प्रथम तथा,जिल्ल शिक्षा समन्वय इकाईको आयोजनामा हेटौंडामा भएको अन्तर माबी जिल्ला स्तरीय बिज्ञान प्रदर्शनिमा दोश्रो हुने विद्यार्थीहरुलाइ विद्यालयले सम्मान गरेको छ। विद्यार्थीको प्रतिभा प्रस्फुटनका लागि आयोजना गरेको विज्ञान प्रदर्शनी कार्यक्रममा उत्कृष्ट विद्यार्थीलाई पुरस्कृत गरेको विद्यालयका प्रीन्सिपल बाबुलाल कार्कीले बताए। विद्यालयका प्रीन्सीपल बाबुलाल कार्कीको अध्यक्षतामा सम्पन्न कार्यक्रममा थाहा नगरपालिका वडा न ४ का वडा अध्यक्ष नारायण लामाको प्रमुख आतिथ्यता रहेको थियो।

सम्मान कार्यक्रममा विद्यालयका संस्थापक सानोभाइ कार्कीले कक्षागत उत्कृष्टतासँगै सिकेको ज्ञानलाई व्यवहारमै उतार्न यस्ता प्रदर्शनी तथा योजना प्रस्तुत कार्यक्रम फलदायी हुने बताए उनले विद्यार्थीहरु सैद्धान्तिक शिक्षासँगै खेललगायत अतिरिक्त क्रियाकलपामा पनि अब्बल हुनुपर्नेमा जोड दिनुभयो। सम्मानित विद्यार्थी लाई प्रमुख अतिथी वडा न ४ का अध्यक्ष नारायण लामाले सम्मानपत्र प्रदान गरेका थिय भने विषयगत शिक्षक बिक्रम मल्ललाई समेत सम्मान गरियको थियो। कक्षा ८ देखि १० सम्मका विद्यार्थीहरुले स्मार्ट सिटि प्रोजेक्ट बनाइ प्रदर्शनीमा सहभागी भएको विद्यालयाले जनायको छ।