स्वबियु निर्वाचनमा पालुङ क्याम्पसमा क्रान्तिकारीकी रुबिना खत्रीको उम्मेद्बारी

आउँदै गरेको चैत ५ गते हुने स्वतन्त्र विद्यार्थी युनियन (स्ववियु) निर्वाचनका लागि पालुङ क्याम्पसमा अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) र अखिल छैटौंले संयुक्त प्यानल घोषणा गरेका छन्। उक्त प्यानलमा सभापति पदका लागि क्रान्तीकारीकी रुबिना खत्री उम्मेदवार बनेकी छिन्।
क्रान्तिकारी प्यानलमा सचिबमा समिक्षा बिष्ट,कोषाध्यक्षमा स्वस्तिका सुवेदी,र सदस्यहरुमा अम्बिका थिङ,पुजा गोपाली र सुस्मिता घलान रहेका छन।
मकवानपुरमा मकवानपुर बहुमुखी क्याम्पस, हेटौंडा क्याम्पस, हटियाको जनप्रिय, चौघडाको वंशगोपाल, मनहरीको मनहरी क्याम्पस, वनविज्ञान अध्ययन संस्थान (फरेष्ट्री क्याम्पस), पालुङ क्याम्पस र बस्तिपुरको निर्मल बहुमुखी क्याम्पसमा स्ववियु निर्वाचन हुनेछ । जिल्लाका ८ क्याम्पसमध्ये मकवानपुर बहुमुखी क्याम्पस सबैभन्दा ठूला हो । मकवानपुर क्याम्पसको स्ववियु निर्वाचनको इतिहासमा यसअघि पहिलोपटक अखिल क्रान्तिकारी विजयी बनेको थियो।
मनहरी क्याम्पसमा नेकपा एस निकटका अखिलको उमेदवार कुमार घिसिङ निर्बिरोध भैसकेका छन।
पालुङ क्याम्पसमा एस अघि तीन पटक अखिल क्रान्तिकारीले स्ववियुको नेतृत्व गरिसकेको छ।
पालुङ क्याम्पसबाट अखिल क्रान्तिकारी बाट हाल नेकपा एमालेका नगर सचिव समेत रहेका सुजन रायमाझी,मुकेश गोले र पुष्कल श्रेष्ठले स्वबियुको नेतृत्व सम्महालिसकेका छन।
पालुङ क्याम्पसमा सत्ताधारी गठबन्धन नेबिसंघ र अनेरास्ववियुको संयुक्त प्यानल बाट रोशनी गोपाली सभापतिको उमेदवार रहेकी छन।