सिर्जनशील शिक्षणका लागि रचनात्मक शिक्षणकला विषयक अभिमुखीकरण कार्यशाला शुन्दरीदेवीमा सम्पन्न

शिक्षकहरू आफू कतै भ्रमणमा जाँदा देखेका कुराहरू, आफ्नै जीवनमा आइपरेका घटनाहरू, आफूले हासिल गरेका ज्ञान र सीपहरू अनि आफूले पढेका नयाँ विषयवस्तुहरूलाई समेत ज्ञानवद्र्धक रुपमा आफ्ना विद्यार्थीहरूलाई कसरी सिकाउने ?

यिनै विषयहरूमा केन्द्रित भई थाहा नगरपालिका वडा न ७ स्थित शुन्दरीदेवी  माध्यमिक विद्यालयमा दुइदिने  कार्यशाला गोष्ठी सम्पन्न भएको छ ।
बागमती प्रदेश सरकार प्रदेश शिक्षा बिकास निर्देशनालयको शैक्षिक सुधार प्रोत्साहन अनुदान कार्यक्रमबाट शैक्षिक गुणस्तर अभिवृद्धि गर्नको कार्यक्रमको आयोजना गरियको हो।

शैक्षिक सत्र २०७९ समाप्त भई नयाँ शैक्षिक सत्र २०८० शुरु भएको  परिप्रेक्ष्यमा आयोजना गरिएको उक्त कार्यशाला गोष्ठीमा प्रशिक्षकहरु सिकाइ समुहका प्रवन्धक निर्देशक सुदर्शन घिमिरे र प्रशिक्षक संजय अधिकारीले  विद्यालयका शिक्षकहरू सामू श्रीजनशील शिक्षणको लागि रचनात्मक शिक्षणकला  विषयमा प्रस्तुतीकरण गर्नुभएको थियो ।

विद्यार्थीहरूलाई प्रभावकारी ढंगले सिकाउने विधिबारे चर्चा गर्दै उहाँ हरुले अहिलेको शिक्षा प्रविधिमैत्री र बालमैत्री पनि हुनुपर्ने बताउनुभयो । प्रभावकारी शिक्षणको लागि शिक्षक मात्र नभई कक्षा कोठाको व्यवस्थापनले पनि महत्वपूर्ण भूमिका खेल्ने र त्यसमा कक्षा कोठाको उपयुक्त सजावट, बसाइको सही व्यवस्थापन , शैक्षिक सामग्रीको अधिकतम प्रयोग, शिक्षकको व्यवहार कुशल सीप आदि जस्ता विभिन्न कुराहरूले प्रभाव पार्ने विषयमा पनि प्रशिक्षक हरुले उदाहरण सहित प्रकाश पार्नुभयको थियो।

विद्यालय व्यवस्थापन समितिको अध्यक्ष बिर्जुलाल थिङ्गको  सभापतित्व तथा थाहा नगर शिक्षा शाखाका प्रमुख माधव बिक्रम मल्लको प्रमुख आतिथ्यतामा  भएको उक्त कार्यशाला गोष्ठीले  विद्यालयका  शिक्षकहरूलाई सिर्जनशील शिक्षण, प्रभावकारी प्रस्तुतीकरण र विद्यार्थीप्रति जिम्मेवार बन्न आफूहरूलाई निक्कै सहयोग गरेको अनुभव शिक्षकहरूले सुनाउनुभयको थियो ।
कार्यशालामा विद्यालयका २४ जना शिक्षकहरुको सहभागीता रहेको प्रधानाध्यापक हरिकृष्ण कार्कीले जानकारी दिए।