सरस्वति माबिका पूर्व विद्यार्थीहरुद्वारा विद्यालयलाई २० थान कम्प्युटर  सहित विभिन्न सामागी सहयोग 

— शम्भु अधिकारी  

   थाहा नगर पालिका ७ आग्रा देउखेल स्थित सरस्वति माबिका पूर्व विद्यार्थीहरु मिलेर विद्यालयलाई २० थान कम्प्युटर  सहित विभिन्न सामान सहयोग हस्तान्तरण कार्यक्रम सम्पन्न भएको छ ।
    हिजो ३० गते भएको कार्यक्रमका प्रमुख अतिथि नगर प्रमुख लवशेर बिष्टले कम्प्युटर ल्याव, सोलार को उद्घाटन तथा सहयोगीहरुलाई सम्मानपत्रले सम्मान गर्नु भएको थियो । विद्यालयलाई आर्थिक सहयोग गर्ने १ सय ५६ जना र कम्प्युटर सहयोग गर्ने ४९ दाताको साथै सहित ६० जना विद्यार्थीलाई पोसाक सहयोग गर्ने ३ जनालाई सम्मान गर्नु भएको हो । कार्यक्रममा नगर प्रमुख बिष्टले विद्यालयले सहयोगी दाताहरुलाई धन्यवाद् व्यक्त गर्दै प्राप्त सहयोगलाई सदुपयोग गरेमा मात्र दाताको सम्मान तथा हौसला मिल्ने भएकोले गुणस्तरीय विद्यार्थी उत्पादनका लागि शुभकामना दिनुभएको थियो ।
    विद्यालयलाई ठूलो सहयोगको लागि संयोजन गर्दे आउनु भएका रघुनाथ बजगाईले विद्यालयमा शैक्षिक सुधार तथा विकासको लागि सरस्वति कम्प्युटर ल्याव स्थापना गर्नका लागि विद्यालयमा अध्ययन गरि विभिन्न क्षेत्रमा काम गरिरहनु भएका विद्यार्थीहरुको सहयोगमा सफल भएको बताउनु भयो ।
    विद्यालय व्यबस्थापन समितिका अध्यक्ष मान बहादुर लोको सभापतित्वमा भएको कार्यक्रममा नेपाल कम्युनिष्ट पार्टि (नेकपा) जिल्ला नेता बिष्णु बिष्ट आदर्श, वडा अध्यक्ष सनम सिं मोक्तान, वडा सदस्य सुन्तलीमाया गुरुङ, थाहा काठमाण्डौ पत्रकार समाजका अध्यक्ष वैकुण्ठ ढकाल, पत्रकार शानितपुर दैनिकका सम्पदक कुमार नेगी, थाहा नगर मिडिया एशोसियसनका सचिव शम्भु अधिकारी, बिकास खवर साप्ताहिकका प्रकाशक सुरज कुमार भुजेल लगायत शिक्षाप्रेमी अभिभावक, पूर्व विद्यार्थीहरुको उल्लेखनिय सहभागिता रहेको थियो ।