संयुक्त अरब इमिरेटसमा राष्ट्रिय दिवसको अवसरमा दुई दिन सार्वजनिक बिदा घोषणा

दावा सेर्पा,/अबुधाबी, डिसेम्बर १ - संयुक्त अरब इमिरेटस (UAE) सरकारले आफ्नो ५४औं राष्ट्रिय दिवस (ईद अल इत्तिहाद) को अवसरमा डिसेम्बर १ र २ मा सार्वजनिक बिदा दिने घोषणा गरेको छ। यस निर्णय अनुसार सरकारी तथा निजी क्षेत्रका कर्मचारीहरूले दुई दिनको आधिकारिक बिदा पाउनेछन् ।
‎
‎राष्ट्रिय दिवस हरेक वर्ष डिसेम्बर २ मा मनाइन्छ, जसले १९७१ मा सात इमिरेटस् ( राज्यहरु)  अबुधाबी, दुबई, शारजाह, आजमान, अम्मअल क्वैन, रसअल खैमा र फुजेरा एक भएर रास्ट्र  बनेको ऐतिहासिक क्षणलाई स्मरण गर्छ। यस वर्ष बिदा सोमबार र मंगलबार परेको हुँदा स्थानीय नागरिक तथा आप्रवासीहरुले ५ दिन लामो सप्ताहान्त उपभोग गर्ने अवसर पाएका छन् ।
‎
‎ब्रिटिशहरूले संयुक्त अरब इमिरेट्सलाई त्यतिबेला Trucial States भन्ने  गर्थ्यो। करिब १५० वर्षजति प्रभाव र संरक्षकत्व कायम राखेका थिए। उनीहरूको औपचारिक संलग्नता सन्  १८२० मा सुरु भई सन् १९७१ मा अन्त्य भएको थियो। संयुक्त अरब इमिरेट्स (UAE) ले डिसेम्बर २ लाई  स्वतन्त्रता दिवसको विकल्पमा  जुन १९७१ मा ब्रिटिश अधिनायकबाट सात राज्यहरू स्वतन्त्र भएर  सिङ्गो राष्ट्र बनेको क्षणलाई स्मरण गर्दै रास्ट्रीय दिवस भनेर मनाउछन्।
‎
‎
‎डिसेम्बर १ देखि ५ सम्म सातैवटा राज्यहरूमा बिबिध कार्यक्रमहरु आयोजना गरि उत्सव मनाईदै छ।  राजधानी आबुधाबीमा विशेष सांस्कृतिक नृत्य नाटक "From the Desert to the Stars" डिसेम्बर १ देखि ३ सम्म प्रस्तुत हुँदैछ। दुबई, शारजाह र अन्य प्रमुख शहरहरूमा आतसबाजी,ड्रोन शो तथा परेड आयोजना गरिनेछ। ग्लोबल भिलेज लगायतका स्थानहरूमा निःशुल्क सांस्कृतिक कार्यक्रमहरू उपलब्ध हुनेछन्, साथै  विभिन्न सामुदायिक केन्द्रहरूमा परम्परागत नृत्य, कला प्रदर्शनी र परिवारमैत्री गतिविधिहरू सञ्चालन गरिने भएको छ।