शिक्षक संगठनमा रायमाझी, प्राध्यापक संघमा बस्नेत

शनिवार एकीकृत अखिल नेपाल शिक्षक संगठन प्रथम थाहा नगर भेलामा सम्पन्न भएको छ । प्रमुख अतिथि  प्रदेश सभा सदस्य कुमारी मुक्तानले सरकारी विद्यालयमा विद्यार्थीको आकर्षण घट्दै गइरहेको शिक्षकहरुले ध्यान दिनु पर्ने बताउनु भयो । शिक्षक अब कुनै पनि अवस्थामा निराश हुनु नपर्ने तर प्रदेश सरकार संगै सकृय भएर अगाडी बढ्नुपर्ने कुरामा जोड दिनुभयो । मोक्तानले सरकारले पूर्णता पाउने वित्तिकै पार्टी एकता हुने भएकोले कम्युनिष्ट बहुमतको सरकारले सबै शिक्षकको हितमा काम गर्ने भन्दै आफ्नो पेशामा राम्रोसंग लाग्न सुझाब दिनु भएको छ । 
एकीकृत अखिल नेपाल शिक्षक संगठन मकवानपुरका जिल्ला उपाध्यक्ष राजाराम कार्कीको सभाध्यक्षतामा भएको भेला पालुङ बहुमुखी क्याम्पसका सप्रध्यापक विजयबाबु बस्नेतले सञ्चालन गर्नु भएको थियो ।
कार्यक्रममा एकीकृत अखिल नेपाल शिक्षक संगठन प्रदेश नं. ३ का सदस्य भोगेन्द्र लुईटेल, माओवादी केन्द्र थाहा नगरका अध्यक्ष अरुण रायमाझी, थाहा नगरपालिकाका नगर प्रमुख लवशेर विष्ट र अखिल नेपाल राष्ट्रिय शिक्षक संगठनका श्याम छत्कुलीको विशेष आतिथ्यता रहको थियो । 
   कार्यक्रममा जनकल्याण माविका शिक्षक मनोज रायमाझीले सबैलाई स्वागत गरेका थिए । एकीकृत माओवादी केन्द्र थाहा नगर कमिटिका अध्यक्ष रायमाझीले शिक्षकहरुको अहिले सम्मकै सबैभन्दा ठूलो भेला भएकोले सम्पूर्ण शिक्षकहरुको एकआपसमा समन्वयको वाताबरण तयार भएकोले थाहा नगरमा गुणस्तरीय शिक्षाको लागि सबै लाग्नु पर्ने बताउनु भयो । शिक्षकलाई अगाडी बढ्नको निमिक्त सदैब पार्टीको साथ र सहयोग रहने रायमाझीले बताउनु भयो । त्यसैगरि शुभकामना मन्तव्यको क्रममा थाहा नगरनगर प्रमुख विष्टले अब शिक्षकको अधिकार खोसिने भन्दा पनि थपिने हुनाले शिक्षकलाई ढुक्क भएर अगाडि बढ्न सुझाब दिनुभएको थियो । कार्यक्रमको अवसरमा थाहा नगरपालिका २ घाटदेवी आधारभूत विद्यालयमा अध्यापन गराईरहनुभएका र  अहिले अवकास प्राप्त कृष्ण कुमार कार्कीलाई दोसल्ला सहित सम्मान गरिएको थियो । 
    भेलाले मनोज रायमाझीको अध्यक्षतामा १७ सदस्यीय थाहा नगर शिक्षक संगठन गठन गरेको छ ।  उपाध्यक्षमा रामचन्द्र कार्की, जंगबहादुर लामा, सचिवमा देवेन्द्र कार्की, सहसचिवमा राजकुमार मोक्तान र कोषाध्यक्षमा विष्णुमाया डिम्डुङ बिष्ट चयन भएका छन् भने सदस्यहरुमा सन्देश गोपाली, श्रमिका गोले, सीता कार्की, ममता थिङ, तुलसी पौडेल, राजकुमार मोक्तान, सिताराम घलान, राजेन्द्र बलामी, किश्वर गोपाली, विकास प्रधान, सूर्य बहादुर थिङ, अमृत थोकर चयन भएका छन् । भेला थाहा नगरपालिका ३ नयाँ गाउँको रुपचन्द्र स्मृति भवनको हलमा भएको हो । 
    यसै बिच नेपाल कम्युनिष्ट पार्टी (माओवादी केन्द्र) निकट राष्ट्रिय प्राध्यापक संघको दोश्रो सम्मेलन सम्पन्न भएको छ । सम्मेलनले बिजयबाबु बस्नेतको अध्यक्षतामा ७ सदस्यिय नयां कार्यसमिति चयन गरेको छ । समितिको सचिवमा तोयानाथ काफ्ले, कोषध्यक्ष राजन मिश्र, सदस्यहरुमा बिष्णुमाया हिमडुङ बिष्ट, राखी लामा, मनोज रायमाझी सर्बसम्मत चयन भएकाछन् । बिजयी कार्य समितिलाई प्रमुख अतिथि प्रदेश सदस्य मोक्तानले सम्मान गर्नु भएको थियो ।