विशिष्ट युवा प्रतिभा सम्मान थाहाका बिर्खे अञ्जानले प्राप्त गरे

मकवानपुर जिल्लाको उत्तरी क्षेत्रमा बसेर निरन्तर साहित्य साधनामा क्रियाशील स्रष्टा बिर्खे अञ्जानलाई  एक समारोहबीच विशिष्ट युवा प्रतिभा सम्मान २०८० समर्पित गरिएको छ । असार ११ र १२ गते संचालित उक्त कार्यक्रम होटल एभोकार्डोको सभाहलमा भएको थियो । बागमती प्रदेशका १३ जिल्लाका १५० जना युवाहरूको उपस्थितिमा श्रम , सीम र  व्यवसाय लगायत सूचना र संचारको सन्दर्भमा छलफल भइ युवा परिषद्का उपाध्यक्ष सन्तोष चौलागाईंबाट ११ बुँदे हेटौंडा घोषणापत्र जारी गरिएको  थियो ।  सो कार्यक्रममा थाहाका साहित्यकार बिर्खे अञ्जानलाई नगद रू  २५ ००० सहित प्रमुख अतिथि बागमती प्रदेशका मुख्य मन्त्री शालिकराम जमरकट्टेलले  सम्मानित गर्नु भएको हो । अञ्जानका एकल ४ वटा पुस्तक र सहलेखनकम ३ वटा पुस्तक सहित ७ वटा कृति प्रकाशित छन्  । बागमती प्रदेशको आर्थिक बर्ष २०७९ / ८० को वार्षिक कार्यक्रम अनुसार प्रतिस्पर्धा मार्फत उहाँ  छनोट हुनुभएको हो । राष्ट्रिय तथा अन्तर्राष्ट्रिय क्षेत्रमा परिचित बिर्खे अञ्जान मूलतः कवि हुन् ।यसका अतिरिक्त समालोचना र  कथा पनि उहाँबाट लेखिदै आएको छ ।