लेकाली बसीफाँट माध्यमिक विद्यालयको आज २५औँ अभिभावक भेला सम्पन्न

भिमफेदि गाउँ पालिका ९ स्थित श्री लेकाली बसीफाँट माध्यमिक विद्यालयको आज २५औँ अभिभावक भेला सम्पन्न भएको छ । बिद्यालय ब्यवस्थापन समिति अध्यक्ष विनोदकुमार लामाको सभाध्यक्ष तथा जाइटी नेपालका सल्लाहकार भीमलाल गुरूङको प्रमुख आतिथ्यमा भएको कार्यक्रममा पुरस्कार, सम्मान तथा सम्झनाको चिनो प्रदान गरिएको थियो । कार्यक्रममा शैक्षिक सत्र २०७४ मा प्रथम, द्वितीय र तृतीय हुने विद्यार्थीहरूलाई पुरस्कार वितरण साथै अनुशासन, वर्ष विद्यार्थी, सरसफाई वर्ष विद्यार्थी पुरस्कार र उत्कृष्ट अङ्क हासिल गर्ने विद्यार्थीहरूलाई पुरस्कार वितरण गरिएको छ । कार्यक्रममा रजत जयन्तीको अवसरमा मार्चपास र नृत्य प्रस्तुतिमा सहभागी विद्यार्थीहरूलाई सम्झनाको चीनो वितरणको साथै अक्षयकोष स्थापनार्थ ५ हजार भन्दा बढी सहयोग गर्ने दाताहरूलाई कदरपत्र वितरण गरिएको थियो । आर्थिक बर्ष २०७३/७४ को आयव्यय प्रस्तुत साथै आगामी वर्ष २०७५ को अनुमानित आयव्यय प्रस्तुत कार्यक्रममा श्रोत व्यक्ति गोबिन्द प्रसाद चौलागाई, वडा सदस्य चमेली माया वल, बिष्णु माया रुम्वा, समाजसेवी अक्कल बहादुर के.सी. पिटिए अध्यक्ष सिताराम रुम्बा, एभरेष्ट युवा क्लवका अध्यक्ष शिव कुमार खत्रीको आतिथ्यमा भएको कार्यक्रममा अभिभावहरुको उल्लेखनीय सहभागितामा भव्यताका साथ सम्पन्न भएको छ ।