लेकाली बसीफाँटको रजत जयन्ती गाउँपालीका अध्यक्ष हिदम लामाबाट उद्घाटन

फाल्गुन २८ सोमवार,
भिमफेदी गाउँ पालीका ९ स्थित लेकाली बसीफाँट माध्यामिक विद्यालयको रजत जयन्तीको पहिलो दिन गाउँपालीका अध्यक्ष हिदम लामावाट उद्घाटन भएको छ ।
   विद्यालय ब्यवस्थापन समिति अध्यक्ष तथा रजत जयन्ती मूल समारोह समिति संयोजक विनोद कुमार लामाको सभापतित्वमा भएको कार्यक्रममा प्रमुख अतिथि लामाले उद्घाटन गर्दै अवको सरकारले सबै नेपालीलाई समान शिक्षाको अवसर मिलाउनु पर्ने वताउनु भयो । निजि स्कूलमा बढ्दो आकर्षणलाई रोक्नका लागि अव सामुदायिक विद्यालयले बिश्वासको वातावरण दिलाउने खालको वातावरण बनाउनु पर्ने भन्दै प्रमुख अतिथि लामाले लेकाली बसिँफाट मा.बि. भिमफेदि गाउपालिकाको मात्र नभइ शैक्षिक सामाग्रीहरु र भौतिक संरचनामा मकवानपुर कै नमुना बिद्यालय भएकोले विद्यालयको लागि आगामी दिनमा गाउपालिकाले पनि सहयोग गर्ने प्रतिबद्धता व्यक्त गर्नु भएको छ । 
उिद्घाटन कार्यक्रममा जाइटी नेपालका प्रमुख सल्लाहकार तथा नेपाल सरकार शिक्षा मन्त्रालयका तत्कालिन सह सचिब भिमलाल गुरुङ, स्रोत ब्यक्ति गोबिन्द चौलागाई, भिमफेदी गाउपालिका वडा नं ९ का वडाध्यक्ष प्रकाश पुडासैनीको बिशिष्ट आतिथ्यता रहेको थियो । 
  ३ दिन विविध कार्यक्रम सहित रजत जयन्तिको आयोजना गरेको स्कूलले पहिलो दिन स्मारिका बिमोचन गरि रजत जयन्ती समारोह उत्घाटन गरेको हो । 
  कार्यक्रममा जाइटी नेपालका प्रमुख सल्लाहकार तथा नेपाल सरकार शिक्षा मन्त्रालयका तत्कालिन सह–सचिब भिमलाल गुरुङले जाइटी नेपालले हस्तान्तरण गरी सकेपछि पनि विद्यालयको प्रगती तथा रजत जयन्तीमा आउन पाउदा खुशी लागेको बताउनु भयो । उहाँले विद्यालयमा सबैको चासोले भौतिक रुपमा मात्र नभई शिक्षामा पनि पहिलो हुनेमा विश्वास राख्नु भयो ।
कार्यक्रमा मार्चपास प्रदर्शनी,  चुरेहिल अस्पतालको समन्वयमा स्वास्थ्य शिविर, विज्ञान प्रदर्शनी, चित्रकला प्रदर्शनी, मा.वि.स्तरीय एकल गायन प्रतियोगिता, अन्तर मा.वि हाजिरी जवाफ प्रतियोगिता तथा “बाल बिवाह एक, सामाजिक रोग अनेक” बिषयक वक्तित्वकला प्रतियोगिता सम्पन्न गरेको छ । मा.वि.स्तरीय आयोजित एकल गायन प्रतियोगितामा जनकल्याण माध्यामिक बिद्यालयी छात्रा बिनिषा गोपाली प्रथम, हिमालयण इङ्गलिस सेकेन्डरी बोर्डिङ स्कुलका छात्र आयुष गोपाली द्धितिय र हिमालयण इङ्गलिस सेकेन्डरी बोर्डिङ स्कुलका छात्रा समिक्षा कार्की तृतीय भएका छन । अन्तर मा.वि स्तरिय हाजिरी जवाफ प्रतियोगिताबाट आयोजक लेकाली बसीफाँट मा.बि. का मनोज गोले, प्रदिप बल र बिक्रम भोम्जन प्रथम, जाल्पा मा.बि. आमभञ्ज्याङका सुनिल न्यौपाने र सुनिल शाह द्धितीय र हिमालयण इङ्गलिस सेकेन्डरी बोर्डिङ स्कुलका दिया बिष्ट, अभ्यास बिष्ट र स्प्रीया आचार्य तृतीय भएका छन । त्यस्तै “बाल बिवाह एक, सामाजिक रोग अनेक” बिषयक वक्तित्वकला प्रतियोगिताबाट कालीका मा.बि. प्रथम, लेकाली बसीफाँट मा.बि. द्धितीय र जनकल्याण मा.बि तृतीय भएका छन ।
२०४९ सालमा जाइटी जापानको सहयोगमा स्थापना भएको विद्यालयमा हाल कक्षा १ देखि १० सम्मको पढाइ हुँदै आइरहेको छ ।