युबाहरुको कार्यक्षमता बिकासको लागि LOM मोटिभेसन तालिम

-शम्भु अधिकारी 

पालुङ जेसिजले युबाहरुको कार्यक्षमता बिकासको लागि LOM मोटिभेसन तालिम आज सम्पन्न गरेको छ । होटल शंकरमा भएको कार्यक्रम नेपाल जेसिज छेत्र ख का निरुपित रास्ट्रिय उपाध्यक्ष रश्मि सिल्पकारले उद्घाटन गर्नु भयो । बर्ष २०१८ का अध्यक्ष बिजय श्याम अमात्यको सभापतित्वमा भएको कार्यक्रममा पुर्ब रास्ट्रिय उपाध्यक्ष शोभा खरेल , पालुङ जेसिजका सस्थापक अध्यक्ष पुर्सोत्तम ढकाल, पुर्ब अध्यक्षहरु सुरेन्द्र मान प्रधान , शीब कुमार खत्री केसि, अञ्जल प्रधान , भरत गोपालीको आतिथ्यता रहेको थियो । कार्यक्रमको बारेमा प्रकाश पार्दै पुर्ब अध्यक्ष सुरेन्द्र मान प्रधानले जेसिज लाई सस्थाको रुपमा नहेरी अभियानको रुपमा हेर्न, सङ्ख्यात्मक भन्दा गुणात्मक जेसि उत्पादन गर्न तालिमको आबस्यकता रहेको औल्याउँनुभयो । त्यस्तै सस्थापक अध्यक्ष पुर्सोत्तम ढकालले जेसिजले दिएको तालिम सामाजिक अभियानमा लगार्इ थाहानगरको बिकासमा लाग्न जेसिहरुलाई अनुरोध गर्नुभयो । तालिमलाई रश्मि सिल्पकार शोभा खरेलले सहजीकरण गर्नुभएको थियो भने महासचिव सानोबाबु मोक्तानले संचालन गरेको तालिममा पालुङ जेसिजका युवा जेसि हरुको उपस्थिति रहेको थियो । युबा हरुको ब्यक्तित्व बिकासका लागि जेसिजले यस्ता तालिमहरुको आयोजना गरिरहने कार्यक्रम सम्योजक सङ्गम कार्कीले बताउनु भयो ।