मेयर वडा स्तरीय तरकारी पकेट प्याकेज अन्तर्गत कृषि सामाग्री वितरण

आर्थिक वर्ष २०८०/०८१ का लागि स्वीकृत भएको मेयर वडा स्तरीय तरकारी पकेट प्याकेज कार्यक्रम अन्तर्गत थाहा नगरपालिकाको वडा न ९ मा कृषि सामाग्री वितरण गरिएको छ।
थाहा नगरपालिका ९ चित्लाङको कुच्बु एकीकृत कृषक समुहलाइ कृषि सामाग्री वितरण गरिएको हो।

कृषक समुहलाई मिनिटिलर ७ एच पि डिजल २४ थान,मिनि टिलर पेट्रोल १ थान,बासको टनेल सेट ३ सेट,पानीतान्ने मेसिन एक थान,मल्चिङ पाल्स्टिक ३० थान,स्प्रे सेट ११ थान र प्राङ्गारीक मल ८० बोरा गरि कुल लागत २४ लाख को कृषि सामाग्री ५० प्रतिशत अनुदानमा प्रदान गरिएको कृषि शाखा प्रमुख सन्जय तिवारीले जानकारी दिए।
कार्यक्रममा थाहा नगरपालिकाका प्रमुख बिष्णु बिष्टले नगरलाई तरकारीको पकेट क्षेत्रका रुपमा विकास गर्न पाउनु नगरको लागि ठूलो अवसर भएको बताए । ‘हाम्रो नगर कृषि र पर्यटनमा आधारित नगर हो’, उनले भने "किसानको हितका निम्ति हुने कामलाई नगरपालिका एकचित्त भएर सहयोग गर्न तयार रहेको बताए "।
कृषक समुहका अध्यक्ष रामकृष्ण लामिछानेको सभापतित्वमा भएको कार्यक्रममा थाहा नगरपालिकाका प्रमुख प्रशासकीय अधिकृत कृष्ण गिरीले चित्लाङ थाहा नगरपालिकाको आखीझ्याल भएकोले यहाँ आउने पर्यटकले चित्लाङ हेरेर समग्र थाहाको मुल्यांकन गर्ने हुँदा यहाँका होटल हरुको लागि चाहिने कृषि उपज र तरकारी हरु यहीँ उत्पादन गर्नुपर्ने बताउनुभयो।
कार्यक्रममा ९ न वडा अध्यक्ष राजकुमार बलामी,कार्यपालिका सदस्य अन्जु श्रेष्ठ ,थाहा नगरका प्रशासन महाशाखा प्रमुख नवीन खालिङ,कृषि विकास अधिकृत बिकाश विक,कृषि शाखाका सहायक राजकुमार श्रेष्ठ ,वडा कृषि प्राविधिक,वडा जनप्रतिनिधिहरु तथा किसानहरुको उपस्थिति रहेको थियो।

यस कार्यक्रमको लागि पालिकाले ३६ लाख रुपियाँ बजेट विनियोजन गरेको छ ।

स्वीकृत कार्यक्रमका लागि पालिकाको कृषि विकास शाखाले १ भाद्रमा सूचना प्रकाशन गरी किसानहरुबाट प्रस्ताव माग गरेको थियो । तरकारी पकेट कार्यक्रम संचालन निर्देशिका अनुसार गरिने कार्यक्रम थाहा नगरपालिका क्षेत्रमा ३ वटा कार्यक्रम कम्तीमा १४० रोपनी क्षेत्रफलका दरले संचालन गरिने कृषि शाखा प्रमुख सन्जय तिवारीले बताउनुभयो।