बिज्ञान प्रदर्शनीमा हिमालयन प्रथम हुँदै सक्कियो जनकल्याण शैक्षिक मेला।

हिमालयन इङ्लिस बोर्डिङ स्कुल "बिज्ञान प्रदर्शनीमा प्रथम "हुँदै जनकल्याण माबिमा जारी प्रथम जनकल्याण शैक्षिक मेला सक्कियको छ।
असार ३०र३१ गते थाहा नगरपालिकाको जनकल्याण माबिमा भएको मेलाको आज समापन गरियो।
मेला लाई समापन गर्दै प्रमुख अतिथी थाहा नगरपालिकाका शिक्षा शाखा प्रमुख शोभाकर रेग्मीले थाहा नगरपालिकाले आयोजना गर्नुपर्ने मेला लाई जनकल्याणले आयोजना गरेर नगरको शैक्षिक बिकासमा कोशेढुङ्गा थपेको भन्दै आयोजक विद्यालय प्रती आभार ब्यक्त गरे साथै रेग्मीले नगरको शैक्षिक क्यालेन्डरमै शैक्षिक मेलाको कार्यक्रम राख्न आबश्यकता रहेको औल्याउँदै तेस्कोलागी पहल गरीने बताए।
समापन समारोहलाइ सम्बोधन गर्दै समापन समारोहका सभापति तथा विद्यालयका प्रअ सानोभाइ कार्कीले नगरपालिका भित्र रहेका शैक्षिक संस्था हरुलाइ यो मेला सिकाइ भएको बताउदै नगरभित्र रहेका विद्यालयहरुको आशातित सहभागिता नहुनु दुखद रहेको बताए साथै नगर भित्र एसइइ दिएर बसेका विद्यार्थीले प्लस टु अध्ययनको लागि नगरकै विद्यालय रोज्नुपर्ने रोज्न आग्रह गर्दै तवमात्र नगरको शैक्षिक गुणस्तरीयतामा वृद्धि हुने बताए।
कार्कीले मेला समग्रमा संतोषजनक रहेको टिप्पणी गर्दै भोलिको दिनमा यस्ता खाले शैक्षिक मेला आयोजना गर्न नगरपालिका र अन्य विद्यालय पनि अग्रसर हुनेमा बिस्वस्त रहेको बताए।समापन कार्यक्रममा थाहा ३ का वडा सदस्य तथा पुर्व शिक्षक कृष्ण कुमार कार्किले पनि मन्तव्य राख्नुभएको थियो।
दुई दिन सम्म चलेको शैक्षिक मेलामा विभिन्न शैक्षिक सामाग्री ,बिज्ञान प्रदर्शनी ,बिषयगत संकायका स्टल,बाली बिज्ञान प्रदर्शनी ,राखियको थियो प्रदर्शनी लाई नगरभित्र रहेका विद्यालय,विद्यार्थी ,शिक्षक हरुले अवलोकन गरेको आयोजकले बतायो।
मेलालाइ ३० गते बाग्मती प्रदेशका सामाजिक बिकास मन्त्री कुमारी मोक्तानले उद्घाटन गरेका थिय।