बागेश्वरी माबिमा स्कुल बस आइपुग्यो,थाहा ११ र १२ का विद्यार्थी लाभान्वित हुने।

थाहा  नगरपालिकाको ११ मा रहेको सामुदायिक विद्यालय बागेश्वरी माबिमा बागमती प्रदेश सामाजिक बिकास मन्त्रालय द्वारा प्रदान गरिएको स्कुल बस आइपुगेको छ।
प्रदेश सरकारले सामुदायिक विद्यालयको  क्षमता बढाउन यातायात सेवामा सहयोग गरेपछि थाहाका  सामुदायिक विद्यालय हरुमा पनि आफ्नै बस गुड्न थालेका छन् । 

 विद्यालयले आर्थिक व्यवस्थापन गर्न नसक्दा बस सञ्चालन गर्न सकेका थिएनन् सामाजिक बिकास मन्त्रालय बाट बस आएपछि सञ्चालनको अवस्थामा आइपुगेको वडा न ११ का अध्यक्ष समेत रहेका विद्यालय व्यवस्थापन समितिका अध्यक्ष दिनेश बलले बताए।

"बस सञ्चालन हुने भएपछि  विद्यालयसँग आफ्नो घरको भौतिक दूरी टाढा भएका विद्यार्थीलाई सहजता मात्र पुगेको छैन, अभिभावकले पनि ढुक्कसँग आफ्ना नानी बाबुहरुलाई सामुदायिक विद्यालय पठाउन पाउने छन "अध्यक्ष बलले भन्नूभयो।

थाहाको ११ र १२ को एउटै मात्र माद्यामिक  सरकारी विद्यालय टाढा हुँदा आर्थिक अवस्था कमजोर भएका अभिभावकलाई बालबालिका विद्यालय पठाउन निकै समस्या परेको थियो । सामुदायिक विद्यालयमा निःशुल्क खाजा समेत पाइने र जान–आउन बस सुविधा भएसँगै विद्यार्थीको चाप बढ्ने प्रष्ट देखिने विद्यालयका प्रधानाध्यापक बिरमान स्याङ्तानले बताए।

थाहाका सामुदायिक विद्यालयहरु यहाँका निजी विद्यालयभन्दा भौतिक पूर्वाधार, शैक्षिक गुणस्तरमा अब्बल बन्दै गएका छन् । 
बाल कक्षा देखि १२ सम्म पढाई हुने विद्यालयमा थाहा ११ र १२ का खाप्लुङ ,देउराली , गैरिगाउ , तारुका , दोभानखोला , जगडाडा,डाडिघाट, ठाडे, मालागिरि,,नौखन्डे  , नागछेडा ,गैरिगाउ लगायतका स्थान बाट विद्यार्थी आउने गरेका छन।
बस संचालनमा आएपछी ३ सय विद्यार्थी प्रत्यक्ष लाभान्वित हुने अध्यक्ष दिनेश बलले बताए।
हाल विद्यालयमा ६ सय विद्यार्थीले अध्यन गर्दै आइरहेका छन।