बसीफाँट मा.वि. मा अभिभावकत्व ग्रहण कार्यक्रम

शम्भु अधिकारी -  

श्री लेकाली बसीफाँट माध्यमिक बिधालय भीमफेदी-९ , मकवानपुरमा अध्ययनरत गरिव , जेहेन्दार र लगनशील विधार्थीहरुका लागि नेपाल सरकारको नीति सामुदायिक विधालयमा विधार्थी भर्ना अभियान अनुसार विधालय व्यावस्थापन समितिका अध्यक्ष विनोद कुमार लामाको अध्यक्षतामा शैक्षिक संरक्षकत्व प्रदान गर्ने हेतुले अभि भावकत्व ग्रहण कार्यक्रम सम्पन्न भयो । 

थाहा-४, नारायणझ्याउ, बुबा मनिक लाल पाख्रिन आमा राज कुमारी पाख्रिनका छोरी सुजिता पाख्रिन र  भीमफेदी-९, अघोरका विक्रम थिङ र रिमा थिङको छोरा अरुण थिङको अभिभावकत्व कर्ता भिमफेदी गा. पा. उपाध्यक्ष पार्वती रानाले गर्नुभयो त्यसै गरी सवोच्च अदालतको पुर्व न्यायधिस जगदीश शर्मा पौडेलले भिमफेदी-९, दन्दु भञ्झाङका स्व. श्यामराज बलकाे  छोरी सस्रिका बलको ,  पाटन ऐकेडेमी अफ हेल्थ साइन्स ललितपुरका एसोसिएट प्रोफेसर सुदर्शन पौडेलले थाहा-४, जकरघारीको झक्कु लाल घिसिङ र जन्तरी माया धिसिङकाे छोरी सरिता घिसिङको,  नेपाल इन्भेस्टमेन्ट बैङ्क बैङक अफिसर शिवानी लामिछानेले भीमफेदी-९, दन्दुभञ्झाङको सुशीला मुक्तानका छोरा रोहन मुक्तानको अभिभावकत्व कर्ता ग्रहण गर्नु भयो । बिधार्थीका लागि आवश्यक पर्ने पोशाक एक एक थान (कुर्ता सुरुवाल छात्राका लागि र पाइन्ट सर्ट छात्रको लागी), वर्षभरि लाग्ने सम्पुर्ण स्टेशनरीका लागि रकम उपलब्ध गर्ने र विधार्थीलाई पढुञ्जेल संरक्षकत्व सुविधा  प्रदान गर्दै अभिभावकत्व ग्रहण गरीएको हो ।

उक्त अभिभावकत्व ग्रहण कार्यक्रममाको अध्यक्षता विनोद कुमार लामा वि.व्य.स. अध्यक्षले गर्नु भएको थियो भने प्रमुख अतिथि भीमफेदी गा.पा. उपाध्यक्ष पार्वती राना र अतिथिहरुमा भीमफेदी-९ का वडाध्यक्ष प्रकाश पुडासैनी , स्रोत व्याक्ति भैसेका गोविन्द चौलागाई र स्रोत व्याक्ति महेन्द्र मा.वि.का पुर्णभद्र भुषाल रहनु भएको थियो ।