पालुङ बहुउद्देश्यीय द्वारा संरक्षित पूँजि फिर्ताकोषको रु ५३ लाख सदस्यलाई बाँडफाँड

थाहामा अवस्थित पालुङ बहुउद्देश्यीय सहकारी संस्थाले संरक्षित पूँजि फिर्ताकोषको रु ५३ लाख रकम सदस्यलाई बाँडफाँड गरेको छ।
पालुङ बहुउद्देश्यीय सहकारी संस्थाले आर्थिक बर्ष  २०७९/०८० को नाफाबाट सहकारी ऐन २०७४ को दफा ६९ अनुसार छुटएको रु ५३ लाख ६७ हजार रुपया सहकारी नियमावली २०७५ को दफा २५ अनुसार सदस्यहरुलाई उपलव्ध गराईएको हो ।

 सदस्यको वार्षिक बचत तथा कर्जा कारोवारको आधारमा यो रकम सदस्यहरुलाई भुक्तानी गरिएको सहकारीका अध्यक्ष कृष्ण बहादुर बिष्टले बताए । जस अन्तर्गत एकल सदस्यले बचतमा रु ७५ हजार भन्दा माथि र कर्जा तर्फ रु २८ हजार भन्दा माथि प्राप्त गरेका छन् । 
जुन कर्जा तर्फ प्रत्येक सदस्यले संस्थालाई भुक्तानी गरेको बार्षिक रकमको आधारमा २.३२ प्रतिशतले र बचत तर्फ व्याज प्राप्त गरेको रकमको ३.९५ प्रतिशत हुन आउछ । 
संस्थाले यस अगाडिनै शेयर लाभांश १२.५ प्रतिशत उपलव्ध गराएको थियो । बैक तथा वित्तिय संस्थाको कारोवारमा यस्तो रकम फिर्ता नपाईने र सहकारी संस्थाको कारोवारको सुन्दरतानै नाफा शेयर सदस्यहरुलाई मात्र लाभ नभई कारोवार गर्ने सदस्यहरुलाई पनि लाभ प्राप्त गर्ने व्यहोरा संस्थाका सहव्यवस्थापक रामप्रासद ढकालले बताउनुभयो ।