पालुङ क्याम्पसले बुहारीहरुलाई छुट दिने 

मनोज तितुङ,
मकवानपुरको थाहा नगरपालिकामा रहेको एक मात्र क्याम्पसको रुपमा चिनिने पालुङ बहुमुखी क्याम्पसमा अहिले भर्ना अभियान सञ्चालन भैरहेको छ । २०६० सालमा स्थापित पालुङ बहुमुखी क्याम्पसले स्नातक तहमा भर्ना हुने विवाहित छात्राका लागि मासिक शुल्कमा छुट दिने भएको छ । क्याम्पसले बुहारीहरुका लागि मासिक शुल्कमा एक सय रुपिया छुट दिने निर्णय गरेको क्याम्पस प्रमुख रामहरी अधिकारीले बताउनु भयो । 
क्याम्पसमा हाल स्नातक तह प्रथम वर्षको भर्ना चलिरहेको छ । पालुङ बहुमुखी क्याम्पसमा मानविकी र व्यवस्थापन गरी २ संकायमा अध्ययन अध्यापन गराइन्छ ।    
अहिले पहिलो चरणको अभियान अन्तर्गत पम्प्लेटहरु बाड्ने, ब्यानर टास्ने, रेडियो तथा पत्रपत्रिका मार्फत सूचना प्रशारण, प्रकाशन गर्ने लगायतका कामहरु भैरहेको र  दोस्रो चरणमा ति विद्यार्थीहरुलाई भर्ना गराउन उसको अभिभावकलाई भनेर टोलका अगुवा, राजनीतिज्ञ, नेता तथा समाजसेवीहरुलाई परिचालन गरिरहेको क्याम्पस प्रमुख अधिकारीले जानकारी दिएका छन् ।  
  अभिभावकहरुले पनि माद्यामिक तह पार गरेर बसेका आफ्नो छोराछोरी सोहि क्याम्पसमा भर्ना गछौँ , बाहिर पठाउँदिन भन्ने कुराहरु गरिरहेका क्याम्पस प्रमुख अधिकारी बताउछन् । बि ए र बि बि एस दुबै संकायको पढाई यहि  भदौ १८ गते देखि सुरु गर्ने तयारी भएको गत बिहिबार सूचना प्रकाशित गरी जानकारी गराएका थिए । “सूचना विद्यार्थी सम्म पुग्न समय लाग्छ त्यस कारण हामी फोन मार्फत पनि जानकारी गराउँछौ” –अधिकारीले भने ।
 पालुङ क्याम्पसमा दक्ष, योग्य तथा अनुभवी प्राध्यापकहरुद्वारा अध्यापनको व्यवस्था, कक्षा १२ मा प्रथम श्रेणी ल्याएर उत्तीर्ण हुने विद्यार्थीलाई भर्नामा २ महिनाको शुल्क छुटको व्यवस्था, आन्तरिक परीक्षामा तहगत र संकाय प्रथम गर्नेलाई २ महिनाको शुल्क छुटको  व्यवस्था, बाह्य परीक्षामा प्रथम श्रेणी ल्याउने विद्यार्थीलाई ६ महिनाको शुल्क छुटको व्यवस्था, संकाय एवं तह प्रथम गर्ने विद्यार्थीलाई आंशिक छात्रवृत्तिको व्यवस्था, जनजाति, दलित, अपाङ्ग, गरिब तथा जेहेन्दार विद्यार्थीलाई छात्रवृत्तिको व्यवस्था,  यथोचित पुस्तकालयको व्यवस्था, समयमा नै कोर्स पुरा गराइने, इमेल, इन्टरनेटको व्यवस्था, कम्प्युटर कक्षाको व्यवस्था, बि ए  र बि बि एस दुबै संकायको दोस्रो वर्ष उत्कृष्ट हुने २ जनालाई पालुङ बहुमुखी क्याम्पस बाल मुकुन्द छात्रवृत्तिको व्यवस्था लगायतका विशेषता तथा सुविधाहरु छन् । क्याम्पसको उक्त विशेषताको कारण पनि पालुङ क्याम्पसमै भर्ना हुनु जरुरी रहेको अधिकारीको भनाई छ ।