पालुङ क्याम्पसमा स्नातक अध्ययनको लागि थाहा ४ का ४ बुहारीलाई छात्रवृत्ति प्रदान,

विवाहित महिलालाई उच्च शिक्षा अध्ययन गर्न बुहारी छात्रवृत्ति प्रदान गरियको छ।
थाहा नगरपालिका वडा न ४ ले उच्च शिक्षा अध्ययन गर्नको निम्ति वडाका ४ जना बुहारी निलिमा गोपाली,पुष्पा कार्की,मनिशा बिष्ट र सुस्मिता सुनार लाई पालुङ क्याम्पसमा अध्ययनको लागि छात्रवृत्ति प्रदान गरेको हो। कार्की र बिष्ट पालुङ क्याम्पसमा अध्यनरत छन भने गोपाली र सुनार हेटौंडा क्याम्पसमा अध्यनरत छन।
वडा न ४ का अध्यक्ष नारायण लामाका अनुसार  ‘विवाह गरेपछि पढ्न छाड्ने चलनको अन्त्य गर्दै औपचारिक शिक्षा पूरा गराउने हाम्रो लक्ष्य हो,’ उनले भने, ‘खर्च जुटाउन नसकेर विद्यालय जान नसक्ने बुहारी विद्यार्थीलाई यसले समेट्नेछ । तर, छात्रवृत्ति प्राप्त गर्न वैधानिक विवाह भएको हुनुपर्नेछ ।’
आर्थिक बर्ष २०७९/०८० को बिनियोजित बजेट अनुसार बुहारी छात्रवृत्ति कार्यक्रम अनुसार एक विद्यार्थी २० हजार रुपैयाँको दरले छात्रवृत्ति प्रदान गरिएको वडा सचिब पाल्साङ लामाले जानकारी दिए।

छात्रवृत्ति वितरण कार्यक्रममा बोल्दै प्रमुख अतिथी नगर उपप्रमुख भरत गोपालीले छात्रवृत्ति कार्यक्रमले बुहारी तथा छात्राको उन्नती प्रगति हुनुको साथै देश निर्माणमा महिलाले पनि उतिकै योगदान गर्नसक्ने बताउनुभयो ।साथै वहाँले कार्यक्रम सकारात्मक जनपक्षीय रहेको र थाहा लाई आहा बनाउनका निमित्त बुहारीहरुको भुमिका उल्लेखनीय रहने भएकोले नगरपालिका सदैव सहयोगका निमित्त तत्पर रहेको र भोलिका दिनमा पढेर यहि नगर मा सेवा दिन आग्रह गरे।
कार्यक्रममा थाहा ३ का वडा अध्यक्ष हिरेन्द्र कुमार रायमाझी ,नगरपालिकाका प्रमुख प्रशासकिय अधिकृत कृष्ण गिरी,शिक्षा शाखा प्रमुख माधव विक्रम मल्ल,पालुङ क्याम्पसका क्याम्पस प्रमुख राजन मिश्र ,जनप्रतिनिधि हरुको उपस्थिति रहेको थियो।