पालुङ क्याम्पसको २२ औं वार्षिकोत्सव तथा परिषद भेला सम्पन्न

पालुङ बहुमुखी क्याम्पसको २२ औं वार्षिकोत्सव तथा परिषद भेला सप्पन्न भएको छ। क्याम्पस अध्यक्ष बिष्णु बिष्ट आदर्शको अध्यक्षतामा पालुङ क्याम्पसको सभा हलमा परिषद भेला भएको हो।

परिषद भेला उद्घाटन समारोहलाई सम्बोधन गर्दै परिषद् अध्यक्ष बिष्णु बिष्टले थाहा नगरको शैक्षिक विकासको धरोहरको रूपमा रहेको पालुङ बहुमुखी क्याम्पसको महत्वोपुर्ण भुमिका रहने हुँदा क्याम्पसको विकासको लागि सक्दो सहयोग गरिरहने बताउनुभयो। साथै वहाँले शिक्षामा सहयोग जति गरेपनी अपुग हुने बताउदै सामुदायिक क्याम्पस टिकाउन समस्या रहेको तर समस्याको बाबजुद स्थानियले क्याम्पस टिकाइरहेको उल्लेख गरे । 

तेसै गरि परिषद भेलालाई शुभकामना दिदै त्रिभुवन बिश्वबिद्धालयका प्रतिनिधि राजमान महर्जनले जीवन र जगतलाई बुझ्ने र समाजप्रतिको उत्तरदायित्व हुने शिक्षा नै आजको आवश्यकता भएको औल्याए । उनले आर्थिक अभावले  क्याम्पस बन्द हुन नदिने बताउँदै प्रविधीमैत्री शिक्षामा जोड दिन आग्रह गर्दै यस्को लागि त्रिभुवन बिश्वबिद्धालय सहयोग गर्न तत्पर रहेको उल्लेख गरे।

शुभकामना मन्तव्य दिदै अर्का अतिथी नेकपा माओवादी केन्द्रका नगर अध्यक्ष बिनोद कुमार लामाले नजिकको तिर्थ हेला भन्ने उदाहरण ‘पालुङ क्याम्पस’ भएको बताउदै क्याम्पसले गुणस्तरीय शिक्षा दिन्छ भन्ने सबै तिर सन्देश पु¥याउनू आजको आबश्यकता भएको औल्याए ।

वार्षिकोत्सव समारोहमा क्याम्पस अध्यक्ष बिष्णु बिष्ट आदर्शले आफ्नो वार्षिक नीति तथा कार्यक्रम प्रस्तुत गर्नुभयो भने क्याम्पस प्रमुख राजन मिश्र द्वारा क्याम्पसको वर्तमान अवस्था र भावी योजनाको प्रतिवेदन प्रस्तुत गर्नुभयो भने क्याम्पसका कोषाध्यक्ष  बिमल कुमार ढकालले आर्थिक प्रतिवेदन प्रस्तुत गरे। भेलालाई क्याम्पस संचालक समिती उपाध्यक्ष सुरेन्द्रमान प्रधानले स्वागत गर्नुभएको थियो भने प्राध्यापक हरीकृष्ण कार्कीले संचालन गरेका थिय । वार्षिकोत्सवको अवसरमा थाहा नगरपालिका ३का वडा अध्यक्ष हिरेन्द्र कुमार रायमाझी,वडान ४ का अध्यक्ष नारायण लामा,२ का बम बहादुर सिन्तान,वडा न १ का कार्यवाहक अध्यक्ष सरोज प्रधान  ,नेपाली काङ्ग्रेस नगर उपसभापति नवराज कार्की,राप्रपा थाहाका अध्यक्ष कुलमान तामाङ लगायतकाले शुभकामना दिएका थिए। वार्षिकोत्सवको अवसरमा पालुङ क्याम्पसका स्वबियु पदाधिकारी लगायतका परिषद सदस्यहरु,क्याम्पस संचालक समितिका पदाधिकारी हरु,विभिन्न संघ संस्था तथा  विद्यालयका  प्रधानाध्यापकहरु,प्राध्यापक ,विद्यार्थी हरुको उपस्थिति रहेको थियो।

वार्षिकोत्सवको अवसरमा विभिन्न संघसंस्थाले प्रदान गर्ने छात्रवृत्ति समेत प्रदान गरियो विषयगत उत्कृष्ट प्राध्यापक रामहारी कार्की,उत्कृष्ट अभिभावक सानुभाइ बस्नेत,उत्कृष्ट विद्यार्थी मनिषा बिष्ट र लेखापाल मधुसूदन रायमाझी लाई सम्मानित गरियो। सम्मानित हुनेहरूलाई प्रमुख अतिथी तथा क्याम्पस अध्यक्ष बिष्णु बिष्टले कदरपत्र द्वारा सम्मानित गर्नुभयको थियो।