नगर स्तरीय माबी बिज्ञान प्रदर्शनीमा हिमालयन प्रथम

थाहा नगरपालिका शिक्षा शाखाको आयोजना तथा झम्केश्वरी माबिको व्यवस्थापनमा भएको थाहा नगर स्तरीय मा बि बिज्ञान प्रदर्शनीमा हिमालयन बोर्डिङ स्कुल प्रथम भएको छ। नगरका १० वटा विद्यालयको सहभागीता रहेको बिज्ञान प्रदर्शनीमा पालुङ भ्याली हार्ट एकेडेमी दोश्रो ,बज्रवाराही माबी तेश्रो तथा सुन्दरीदेवी माबिले सान्त्वना जित हात पारेको छ।

प्रदर्शनीको पुरस्कार बितरण कार्यक्रम थाहा नगरपालिकाका प्रमुख बिष्णु बिष्टको प्रमुख आतिथ्यता तथा व्यवस्थापन विद्यालयका व्यवस्थापन समितिका अध्यक्ष प्रदिप प्रधानको अध्यक्षतामा सम्पन्न कार्यक्रममा थाहा नगरपालिकाका उपप्रमुख भरत गोपालीको बिशिष्ट आतिथ्यता रहेको थियो भने नगर शिक्षा समिति सदस्य हरीकृष्ण कार्की ,पालुङ भ्याली हार्टका संस्थापक सुरेन्द्रमान प्रधान ,थाहा नगरपालिका सुचना शाखा अधिकृत सुरज कुमार भुजेल,भगिरथ अधिकारी लगायतका अतिथि हरुको उपस्थिति रहेको कार्यक्रममा झम्केश्वरी माबिका प्रधानाध्यापक उद्द्व प्रसाद आचार्यले स्वागत गरेका थिय।

कार्यक्रममा आफ्नो मन्तव्य राख्दै थाहा नगरपालिकाका प्रमुख बिष्णु बिष्टले विद्यार्थी माझ रहेको प्रतिभालाई व्यवहारिक रुपमा सिकाइ ,सिकाइ उपलब्धि हासिल गर्न यस्ताखाले प्रतियोगिता र प्रदर्शनीको आबश्यकता रहेको औल्याउँदै किताबी ज्ञानमा मात्र विद्यार्थीहरुलाइ सिमित नराख्न विद्यालय र अभिभावकलाई आग्रह गर्नुभयो। नगर स्तरीय प्रदर्शनीमा प्रथम भएको विद्यालय हिमालयन बोर्डिङ पुस ४ गते हेटौंडामा हुने जिल्ला स्तरीय बिज्ञान प्रदर्शनीमा छनौट भएको छ।