थाहा ८ का वडा अध्यक्ष थिङले आफ्नो तलव बाट दुई विद्यार्थीको सम्पुर्ण खर्च व्यहोर्ने,

थाहा ८ का वडा अध्यक्ष हेम कुमार थिङले इन्द्रायणी माबी आग्रा मोरियामा अध्ययन गर्ने गरिव तथा जेहेन्दार २ जना विद्यार्थी लाई आफ्नो भत्ता बापत आउने रकमले अध्ययन गराउने घोषणा गरेका छन।
३० चैतमा थाहा ८ मोरियामा रहेको इन्द्रायणी माबिको अभिभावक भेला तथा वार्षिक नतिजा प्रकाशन कार्यक्रममा बोल्दै अध्यक्ष थिङले उक्त घोषणा गरेका हुन।
अध्यक्ष थिङले विद्यालयले छनौट गरेका दुई विद्यार्थी लाई आफ्नो तलव भत्ता बापत आउने रकमले उक्त विद्यार्थीहरुलाइ चाहिने पोसाक देखि शैक्षिक सामाग्री सम्म सम्पुर्ण खर्च व्यहोर्ने बताए।
शिक्षक अभिभावक संघ इन्द्रायणी माबिका अध्यक्ष रमेश सेन्चुरीको अध्यक्षतामा सम्पन्न अभिभावक भेला तथा नतिजा प्रकाशन कार्यक्रममा गत बर्ष विद्यालय बाट एसईईमा उत्कृष्ट हुने ३ जना विद्यार्थी लाई नगद सहित सम्मानपत्र द्वारा सम्मान गरियो।
१ कक्षा देखि ९ सम्म उत्कृष्ट हुने विद्यार्थी र बर्ष भर भएको अतिरिक्त कृयाकलापमा उत्कृष्ट हुने विद्यार्थीहरुलाई सम्मान तथा पुरस्कार वितरण गरियको कार्यक्रममा विद्यालय व्यवस्थापन समितिका अध्यक्ष सुमन कार्की ,पुर्व वडा अध्यक्ष टिकाराम रुम्बा,कार्यपालिका सदस्य राम प्रसाद कालीराज ,लगायतका शिक्षक,अभिभावक तथा विद्यार्थीहरुको उल्लेख्य उपस्थिति रहेको थियो।
अभिभावक भेलामा विद्यालयका प्रधानाध्यापक नारायण कार्कीले आर्थिक बर्ष ०७९/०८० को ८५ लाख ४५ हजारको आयव्यय तथा आर्थिक बर्ष ०८०/०८१ को लागि ९० लाख ४५ हजारको अनुमानित आयव्यय प्रस्तुत गरेका थिय।