थाहा स्वास्थ्य सहकारीको दोस्रो साधारण सभा सम्पन्न

   
थाहा नगरपालिकाका उपप्रमुख खडग गोपालीले थाहा नगरमा प्राविधिक स्वास्थ्य शिक्षा प्रदान गर्न शैक्षिक केन्द्र निमार्ण गर्नुपर्ने बताउनु भएको छ । 
     शुक्रबार थाहा स्वास्थ्य सहकारी संस्था लि. को दोस्रो वार्षिक  साधारण सभामा बोल्दै उपप्रमुख गोपालीले सहकारीद्वारा संचालित थाहा पोलीक्लिनिकलाई सामुदायिक अस्पतालको रुपमा अगाडी बढाउनु पर्नेमा जोड दिनु भयो ।
     उपप्रमुख गोपालीले पोनिक्लिनिकको माध्यमबाट प्राविधिक शिक्षा प्रदान  गरी स्वास्थ्य क्षेत्रमा काम गर्ने दक्ष जनशक्ति तयार गर्ने रसिटिईभिटीसँग समन्वय गरी अगाडी बढ्नुपर्नेमा जोड दिनु भयो ।

 
     थाहा नगरमा स्वास्थ्य     सहकारीद्वारा संचालित पोलिक्लिनिक ले २४ सै घण्टा आकस्मिक सेवा सहितको स्वास्थ्य सेवा प्रदान गर्दै आएको छ । सहकारीले यो वर्ष १  करोड ३२ लाखको कारोबार गरेको   ६ लाख मुनाफा गरेको साधारण सभामा जानकारी गराइएको थियो । 
     सहकारीका अध्यक्ष हरीकृष्ण कार्कीको अध्यक्ष्यतामा भएको कार्यक्रममा सहकारीको भावी कार्यक्रमबारे जानकारी गराउँदै डेन्टल सेवा, सुरक्षित गर्भपतन लगायतका सेवा विस्तार गरिने व्यवस्थापक सहदेव ढकालले बताउनु भयो ।