हृदय रोग निवारण प्रतिष्ठान थाहाको तेस्रो साधारणसभा सम्पन्न

नेपाल हृदय रोग निवारण प्रतिष्ठान नेपाल थाहा नगर इकाई समितिको तेस्रो साधारणसभा सम्पन्न भएको छ।
थाहा नगरको थानाबजारस्थित गंगा होटलमा साधारणसभा  सम्पन्न भएको हो।
प्रतिष्ठानका थाहा नगर इकाई अध्यक्ष बिमलकुमार ढकालको अध्यक्षता तथा थाहा नगर प्रमुख बिष्णु बिष्टको प्रमुख आतिथ्यता रहेको थियो।
कार्यक्रममा विशिष्ट अतिथिको रूपमा थाहा नगर उपप्रमुख भरत गोपाली , प्रतिष्ठानका मकवानपुर जिल्ला अध्यक्ष बिजयकुमार वैद्यको उपस्थिति रहेको थियो भने कार्यक्रममा ईलाका प्रहरी कार्यालय पालुङका प्रमुख रुक्सा बज्राचार्य,पाण्डुकेश्वर क्षेत्र बिकास समितिका अध्यक्ष जनक हमाल,दामन रेडक्रसका पुर्व सभापति अरुण रायमाझी लगायतको अतिथिहरुको उपस्थिति रहेको थियो।
साधारणसभामा पालुङ बहुउद्देश्यीय सहकारी संस्थाका अध्यक्ष कृष्ण बहादुर बिष्ट, थाहा नगर उद्योग वाणिज्य संघका अध्यक्ष पुरुषोत्तम ढकाल, र जनकल्याण माध्यमिक विद्यालयका पूर्व प्रधानाध्यापक सानोभाइ कार्कीले शुभकामना मन्तव्य व्यक्त गर्नुभयो।
साधारणसभामा अध्यक्ष बिमलकुमार ढकालले प्रतिष्ठानको कार्यहरू र भविष्यका योजनाहरूको बारेमा जानकारी दिँदै संस्थाको समग्र प्रगतिको मार्गदर्शन गरे।
प्रमुख अतिथि बिष्णु बिष्टले प्रतिष्ठानको महत्त्वपूर्ण कार्यहरूको सराहना गर्दै यसका कार्यक्रमहरूलाई थप प्रोत्साहन प्रदान गर्ने प्रतिबद्धता जनाए।
कार्यक्रमको संचालन थाहा नगर सचिव सहदेव ढकालले गरेका थिए भने उपसभापति गिता कार्कीले उपस्थित सबैलाई स्वागत गरे।