थाहा नगर “नो होम डेलीभरी”

— शम्भु अधिकारी

थाहा नगरपालिका स्वास्थ्य शाखाको आयोजनामा आज विकास घरमा पूर्ण खोपको सुनिश्चितता तथा दिगोपनको लागि अन्तरक्रिया सम्पन्न भएकोछ ।

नगरका १,२,३ र ४ नम्बर वडाका अध्यक्ष, स्वास्थ्यकर्मी, महीला स्वास्थ्य स्वम्सेविका लगायतका उपस्थिती रहेको अन्तरक्रिया ४ वटै वडामा हालको खोप सेवाको बिषयमा जानकारी दीदैं थाहा नगर स्वास्थ्य शाखा संयोजक मेघराज वलामीले बिसिजी ५६ प्रतिसत र दादुराको ९३ प्रतिसतले खोप लगायको जानकारी दिनु भयो ।

कार्यक्रममा प्राथमिक स्वास्थ्य केन्द्रका प्रमुख डा. रिनेश अधिकारीले नगरमा अझैपनि घरैमा सुत्केरी गराइरहेको पाइएकोले थाहा नगरलाई “नो होम डेलीभरी” बनाउन सबै मिलेर लाग्नु पर्ने जानकारी दिनु भयो । प्रमुख अधिकारीले पालुङ प्राथमीक स्वास्थ्य केन्द्रमा दरवन्दी अनुसार कर्मचारी नभएको बिषयमा सम्वन्धित निकायमा पटक पटक ध्यानाकर्षण गराउँदा पनि दरवन्दि पुरा नभएकोले सुत्केरी शेवा लगायत अन्य स्वास्थ्य उपचार सेवा प्रभावित भैरहेको बताउनु भयो । प्रमुख डाक्टर अधिकारीले  पालुङ प्राथमिक स्वास्थ्य केन्द्रमा केही दिनमा भिडियो एक्सरे सेवा संचालनमा आउने जानकारी गराउनु भयो ।

थाहा नगरपालिका कार्यकारी अधिकृत हरी लाल पुरीको आतिथ्यमा भएको कार्यक्रममा ४ वटै वडामा वडा अध्यक्षहरुको संयोजकत्वमा खोप शेवा प्रभाकारी बनाउनका लागि समन्वय समिति गठन गरिएकोछ । समन्वय समितिमा वडा सचिव, विद्यालय ब्यवस्वथापन समितिका अध्यक्ष, प्रधानाध्यापक, स्वयम्सेविका, वालवालिकाको क्षेत्रमा काम गर्ने संस्था, स्थानिय युवा तथा वालक्लव र खोप कार्यकर्ता स्वास्थ्यकर्मी सदस्य रहने जनाइएको छ ।