थाहा नगर शिक्षा शाखा द्वारा आयोजित ५ दिने मन्टेश्वरी तालिम सकियो।

थाहा नगरपालिकाको सामुदायिक विद्यालयमा कार्यरत वालबिकास कक्षाका शिक्षक तथा प्रशिक्षकहरुको लागि थाहा  नगर थानाबजारमा अवस्थित गंगा होटलमा फागुन २७ गते बाट सुरु भएको पाँच दिने बालबिकास सम्बन्धि क्षमता अभिबृद्दी तालिम सम्पन्न भएको छ। थाहा नगरपालिका शिक्षा शाखाको निशुल्क शिक्षा घोषणा कार्यक्रम अन्तर्गत आयोजित तालिमको समापन थाहा नगरका प्रमुख बिष्णु बिष्टले गर्नुभयो,समापन नगर शिक्षा शाखाका प्रमुख माधव बिक्रम मल्ल्को सभापतित्वमा भएको थियो। थाहा नगर भित्रका सामुदायिक विद्यालयका ४० जना बाल बिकास शिक्षक हरुको सहभागीता रहेको तालिमलाइ बाल बिकास बिषेशज्ञ हरु सुशीला भण्डारी,मुना राई र रेणुका श्रेष्ठले सहजीकरण गर्नुभएको थियो। 
समापन कार्यक्रममा बोल्दै प्रमुख अतिथी नगर प्रमुख बिष्टले तालिममा सिकेको कुराहरुलाई आआफ्नो विद्यालयका विद्यार्थी हरुमाझ लागू गरि बालबालिकालाई राम्रो शिक्षा र संस्कार दिन आग्रह गर्दै सामुदायिक विद्यालयमा बिश्वासको वातावरण बनाउन आग्रह गर्नुहुँदै जग बलियो भएमात्र घर बलियो हुने बताउदै मन्टेश्वरी माध्यम बाट हुने शिक्षण सिकाइले बच्चामा सकारात्मक प्रभाव पर्ने उल्लेख गर्नुहुदै बालबिकास शिक्षकहरुको क्षमता अभिबृद्दीमा थाहा नगरपालिकाले बिबिध कार्यक्रम हरुको आयोजना गरिरहने बताए।
कार्यक्रममा सहभागीहरुले तालिम उपलब्धिमुलक भएको बताउदै सिकेका कुराहरु लाई आआफ्नो विद्यालयमा लागुगर्ने प्रतिवद्दता व्यक्त गर्दै बालबिकास शिक्षक हरुको लागि बेलाबेलामा नगरपालिकाले यस्ता कार्यक्रम हरुको आयोजना गरिरहनुपर्नेमा जोड दिदै यस्ताखालको कार्यक्रम नगरका सबै बालबिकास सहजकर्ता हरुलाइ समाबेश गर्नुपर्ने बताउदै बालबिकास शिक्षकहरुले उठाएको मागहरुलाई पनि नगरपालिकाले सम्बोधन गर्नुपर्नेमा जोड दिए।
समापन कार्यक्रममा सहभागी बालबिकास सहजकर्ता हरुलाई प्रमाणपत्र प्रदान गरिएको थियो भने कार्यक्रमलाई शिक्षा शाखाका अधिकृत सुर्य बहादुर थिङले संचालन गरेका थिए।