थाहा नगरपालिकाको सहयोगमा ५० युवाहरुले बारिस्ता तालिम लिदै

थाहा नगरपालिकाले स्थानीय युवलाई सिपमूलक तालिम दिएर व्यावसायिक बनाउने उद्देश्यले विभिन्न तालिम सञ्चालन गर्ने गरेमा युवालाई सिपमूलक तालिम प्रदान गरी गाउँ मै रोजगारी सृजना गर्ने उद्देश्यले नगरपालिकाको आयोजनामा नगरमा रहेका युवालाई १५ दिने कफी (वारेस्ता) बनाउने तालिम शुरु भएको छ ।

कफी सबैको प्रिय पेयपदार्थका रुपमा विकास हँुदै गएको र यो व्यवसायतर्फ युवाहरुको आकर्षण समेत बढेकाले तालिम आयोजना गरेको नगरपालिकाले जनाएको छ । पछिल्लो समय कफी सबैको प्रिय पेयपदार्थका रुपमा विकास भइरहेकोले यो व्यावसायबाट युवाहरुलाई स्वरोजगार बन्न सहयोग पुग्ने उद्देश्ययले तालिम आयोजना गरिएको थाहा नगरपालिकाका प्रमुख बिष्णु बिष्टले बताए।

बिना सिप वैदेशिक रोजगारीमा जाँदा धेरै युवायुवतीले दुःख पाउने गरेका छन् । त्यसैले सिप सिकेर आफ्नै गाउँघरमा पनि व्यवसाय सञ्चालन गर्न सकिने र वैदेशिक रोजगारीमा जाँदा पनि राम्रो काम गाउन सकिने भएकोले नगरपालिकाको तर्फबाट सिपमूलक तालिम प्रदान गरिएको थाहा नगर पालिकाका सामाजिक बिकास शाखा प्रमुख अनिल लामिछानेले बताए।
पछिल्लो समय युवाहरूसँग सामान्य सीप समेत नहुदा बेरोजगार बढ्दै गइरहेको समस्यालाई  हेर्दा आधारभूत बारिस्ता तालिम प्रभावकारी हुने नगर उपप्रमुख भरत गोपालीको भनाइ छ । 

थाहाको वडा न १ ओखरबजारमा अवस्थित सयपत्री होटलमा संचालित तालिममा नगरपालिका भित्रका ५० जना युवा हरुको सहभागिता रहेको छ।

तालिमको सहभागीहरुलाई रबिन तामाङले सैद्धान्तिक र प्रयोगात्मक प्रशिक्षण दिइरहेका छन् ।