थाहा नगरको जनकल्याण माबिले अन्लाईनबाट पढाउने

थाहा नगरपालिका १९ जेठ,

कोरोना भाईरसको दोस्रो चरणका कारण भौतिक उपस्थिति सहित अध्ययन अध्यापनमा समस्या भएकोले थाहा नगरपालिका ३ स्थित जनकल्याण माध्यमिक बिद्यालयले प्रविधिक तथा साधारण धारको कक्षाहरुलाई अनलाईन माध्यमबाट अध्यापन शुरु गरेकोछ ।

हाल कक्षा १० र १२ को अन्लाईन कक्षा सञ्चालन भईरहेको बिद्यालयको प्रधानाध्यापक सानोभाई कार्कीले बताउनुभयो ।

अरु कक्षाहरुको कोर्ष सकिएको र परीक्षाको तयारी भएको अवस्थामा कोरोना भाईरसका कारण परीक्षा सञ्चालनको लागि अन्यौलता कायम भएको समेत प्रधानाध्यापक कार्कीले बताउनुभयो ।

हालको बिसम परिस्थितिमा अनलाईन कक्षा प्रभावकारी हुने भएकोले आफ्ना वालवालिकाहरुलाई अध्ययन गर्ने वातावरण वनाउन र उनीहरुको अध्ययनलाई सहजीकरण गर्नको लागि सम्पूर्ण अभिभावकहरुलाई प्रधानाध्यापक कार्कीले आग्रह गर्नुभयो ।

जनकल्याण माबिमा हाल प्रविधिक धार तर्फ कृषि बाली विज्ञान र साधारण तर्फ मानबिकी, ब्यवस्थापन, शिक्षा संकायमा कक्षा ११ र १२ को अध्यापन भईरहेकोछ । 

बिद्यालयले एक सुचना जारी गर्दै अन्लाईन कक्षाको लागि सहायक प्रधानाध्यापक कृष्ण बहादुर बिष्ट, ब्यवस्थापन संकाय कोअर्डिनेटर ज्ञानराज कार्की, मानबिकी संकाय कोअर्डिनेटर संगम कार्की, शिक्षा शास्त्र संकाय कोअर्डिनेटर राखी लामासंग समन्वय गर्न अनुरोध गरेको छ ।