थाहामा ५ दिने मन्टेश्वरी तालिम सुरु

थाहा नगरपालिकाको सामुदायिक विद्यालयमा कार्यरत वालबिकास कक्षाका शिक्षक तथा प्रशिक्षकहरुको लागि नगरको थानाबजारमा अवस्थित गंगा होटलमा फागुन २७ गते बाट पाँच दिने बालबिकास सम्बन्धि क्षमता अभिबृद्दी तालिम सुरु भएको छ। थाहा नगरपालिका शिक्षा शाखाको आयोजनामा निशुल्क तथा अनिवार्य शिक्षा कार्यक्रम अन्तर्गत सम्पन्न तालिमको थाहा नगरका उपप्रमुख भरत गोपालीले उद्घाटन गर्नुभयो,उद्घाटन कार्यक्रममा थाहा नगरपालिकाका प्रमुख प्रशासकीय अधिकृत कृष्ण गिरीको बिशेष आतिथ्यता रहेको कार्यक्रमको नगर शिक्षा शाखाका प्रमुख माधव बिक्रम मल्ल्को सभापतित्वमा भएको थियो। थाहा नगर भित्रका सामुदायिक विद्यालयका ६४ जना बाल बिकास शिक्षक तथा प्रशिक्षक हरुको सहभागीता रहेको तालिमलाइ बाल बिकास बिषेशज्ञ हरु सुशीला भण्डारी,मुना राई र रेणुका श्रेष्ठले सहजीकरण गरिरहनु भएको छ। तालिम चैत १ गतेसम्म चल्ने थाहा नगर शिक्षा शाखाका अधिकृत सुर्य बहादुर थिङले जानकारी दिनुभयो। कार्यक्रममा बोल्दै प्रमुख अतिथी उपप्रमुख गोपालीले मन्टेश्वरी विधीवाट विद्यालयको सानो कक्षा देखी पठनपाठन गराउदा बालबालिकालाई राम्रो र संस्कारीक बनाउन सकिने भन्दै थाहाका सबै सामुदायिक विद्यालयले यसलाई आत्मसात गरेर ब्यवहारमा लागु गर्नुपर्ने बताउनु भयो । उहाले अहिलेको शिक्षा राम्रो र ब्यावहारीक हुनुपर्ने भन्दै अभिभावकले आफ्नो वाल वच्चाकोे शिक्षाका लागि ध्यान दिने वातावरण सिर्जना भएको उहाको भनाई थियो । तेसैगरि थाहा नगरपालिकाका प्रमुख प्रशासकीय अधिकृत कृष्ण गिरीले सिकालाई प्रभावकारी वनाउन अनुरोध गरेका थिए । उनले विद्यार्थीलाई घोकन्ते विद्या भन्दा पनि व्यवहारीक रुपमा सिकाउन सके मात्र उपलव्धी हुने बताए।