थाहामा विभिन्न कार्यक्रम गरि मनाइयो ६५ औ सहकारी दिवस।

मर्यादित ब्यबसाय र प्राविधिमा सहकारी संस्था `भन्ने मुल नाराका साथ थाहा नगरमा ६५ औ रास्ट्रीय सहकारी दिवस अन्तरर्कृया कार्यक्रम गरि मनाइयको छ।
पालुङ बहुउद्देश्यीय सहकारी संस्थाको आयोजनामा संस्थाको सभाहलमा आयोजित कार्यक्रम संस्थाका अध्यक्ष पुर्शोत्तम कार्किको सभाअध्यक्षता मा सम्पन्न कार्यक्रममा थाहा नगर भित्र रहेका सहकारी संस्थाहरुको संचालक समितीका सदस्य तथा प्रमुख हरुको उपस्थिति रहेको थियो।
कार्यक्रममा पाथिभरा बचतका अध्यक्ष गोकर्ण बरुवाल ,बज्रबाराही बचत का अध्यक्ष फणीन्द्र नाथ सुवेदी ,समृद्ध कृषि सहकारीका अध्यक्ष कल्पना बलामी ,दामन कृषि सहकारी संस्थाका रामशरण केसी,चेतनशील महिला सहकारी का अध्यक्ष कविता बिष्ट ,लगायतकाले ६५ औ सहकारी दिवसको अबसरमा शुभकामना दिदै ,सहकारीले समुदायमा छरिएर रहेको पुँजी र बैंकको पहुँच बाहिर रहेका मानिसहरुलाई आबद्घ गराई आर्थिक, सामाजिक तथा सांस्कृतिक रुपान्तरणका लागि महत्वपूर्ण भूमिका निर्वाह गरेको सहभागी हरुले बताए  । वि.सं २०१३ साल चैत २० गते चितवनमा बखानपुर ऋण सहकारी समिति स्थापित भएसंगै नेपालमा सहकारी अभियान शुभारम्भ भएको देखिन्छ । तीव्र आर्थिक वृद्धि र दिगो विकास गर्न सार्वजनिक, निजी र सहकारी क्षेत्रको सहभागिता र विकास मार्फत् उपलब्ध साधन एवं स्रोतको अधिकतम् परिचालन गर्ने कुरा संविधानमै उल्लेख गरी सहकारीलाई तीन खम्बे अर्थ नीति मध्येको एक खम्बा मानिएको उल्लेख गर्दै सहभागी हरुले पुँजीवादी हैकम र सामन्ती शोषणबाट मुक्तिका खातिर सहकारी आन्दोलन सामाजिक परिवर्तनको एउटा आयाम मान्न सकिनेमा जोड दिदै अब थाहा नगर भित्र रहेका सहकारी हरु एकापसमा सकार्य गर्दै अगाडि बढ्नुपर्ने तथा प्रबिधिको उच्चत्तम प्रयोग गरि अगाडि बढ्नुपर्ने भन्दै यश कार्यमा नगरपालिका ले सहयोग गर्नुपर्नेमा जोड दिनुभएको थियो।
कार्यक्रममा संस्थाका ब्यबस्थापक प्रकाश पौडेल ,सहब्यबस्थापक रामप्रसाद ढकाल ,संचालक समितिका सदस्यहरु तथा नगर भित्र रहेका सहकारी प्रमुख हरुको उपस्तिथि रहेको थियो।