थाहामा विद्यालय बन्द हुँदा वैकल्पिक सिकाई प्रति सरोकारवालाको चासो 
विद्यार्थी भन्छन ईन्टरनेटकाे पहुँच छैन पढ्ने अधिकार सुनिश्चित गरिदेउ 

 
 थाहा नगर शिक्षा शाखा प्रमुख शोभाकर रेग्मिले नगर शिक्षा शाखाले सबै विद्यालय र विद्यार्थी माझ ईन्टनेटको पहुँच आवश्यक भएको र त्यसकालागि पहल कदमी भईरहेको बताउनु भएको छ । 
रेडियो दामन दामन एफ एम सँग कुरा गर्दै प्रमुख रेग्मीले कोरोनाको उच्च जोखिमका कारण लामो समय विद्यालय बन्द भईरहँदा अनलाईन सिकाईको विकल्प नभएको भन्दै अहिलेको माग अनुसार ईन्टरनेटको सेवा विस्तारका लागि  सरोकारवाला निकाय सँग समन्वय गरि  आवश्यक पहल गरिरको पनि बताउनु भएको छ । 
कार्यक्रममा प्याब्सन थाहा नगरका सचिव तथा हिमालयन बोर्डिङ्ग स्कुलका प्रिन्सिपल संगम कार्कीले अहिलेको युग सुचना र संचारको युग भएकाले प्रविधिमैत्री सिकाईका माध्यमबाट विद्यार्थीहरुलाई पठन पाठनलाई निरन्तरता दिन सकिने बताउनु भएको छ ।

कार्कीले वैकल्पिक माध्यमका अनलाईन कक्षा संगै स्मार्ट एप्सको विकास भईसकेको र उक्त एप्सलाई सम्पूर्ण विद्यार्थिहरुको पहुँचमा पु¥ायउन आफूहरु निरन्तर लागिरहेको र ईन्टरनेटको पहुँच नभएका  विद्यार्थिहरुको हकमा शिक्षकहरुले टेलिफोन सम्पर्कमा रहेर शैक्षिक गतिविधिलाई अगाडि सारिरहेको र अन्य विद्यालयहरुले पनि यसो गर्न सकिने धारण राख्नु भयो । 
नयाँ भेरिएनट सहितको कोरोना महामारीको यो समयमा थाहा नगरमा शिक्षा क्षेत्रमा परेको असर र विद्यार्थीको सिकाई निरन्तरताका लागि के गर्न सकिन्छ भन्ने विषयमा भएको छलफलमा जनकल्याण माविमा अध्ययनरत छात्रा रोहिणी स्याङ्तान, नाटेश्वर माविका छात्रा महालक्ष्मि गमाल, हिमालयन ईङ्लिस सेकेन्डरी ईङ्लिस बोर्डिङ स्कुलमा अध्ययनरत छात्र रोहित कार्की तथा बज्रबारी माविका छात्रा सनिता भट्टलगाएतका विद्यार्थीको सहभागिता रहेको थियो ।
कार्यक्रम मार्फत विद्यार्थीले सरोकारवाला निकायले आफ्नो पढ्ने अधिकार सुनिश्चित गरिदिन आग्रह गरेका छन् ।