थाहामा पहिलो क्षयरोग शिविर सम्पन्न

शम्भु अधिकारी - 

    २०३० सम्म क्षयरोग मुक्त नेपाल बनाउने अभियानमा लागेका राष्ट्रिय क्षयरोग केन्द्रका निर्देशक राजेन्द्र प्रसाद पन्तले जिन एक्सपोर्ट मेसिन र डिजिटल एक्सरे मेसिन ल्याई थाहामा उपचार गरेको बताउनु भयो । आज थाहा नगरको प्राथमिक स्वास्थ्य केन्द्रमा नेपाल क्षयरोग केन्द्रले गरेको शिविरमा निर्देशकले उक्त कुरा बताउनु भयो । थाहामा फोक्सोको विरामी बढेको चिन्ता व्यक्त गर्दै डा. पन्तले अव यहाको विरामीलाई राष्ट्रिय क्षयरोग केन्द्र भक्तपुरमा लगेर उपचार गराउने आश्वासन दिनु भयो । राजेन्द्र प्रसाद पन्तको प्रमुख आतिथ्य, थाहा नगरपालिकाका लवशेर विष्टको विशिष्ट आतिथ्य, त्यसै गरी आतिथ्यहरु डा. रिमेश अधिकारी, अस्पताल व्यवस्थापन समितिका उपाध्यक्ष राजिव स्याङ्तान, सिनियर अहेव चिनिया लामा, वडा नं. ३ का राजेश के.सी. नगर स्वास्थ्य समितिका अध्यक्ष मेघराज वलामी लगाएत उपस्थित रहेको थियो । कार्यक्रममा बोल्दै थाहा नगरमा नेपालकै पहिलो पाइलट प्रोजेक्ट शुरु गरेको र यसका लागि अरु देशमा रु. १६,००० सम्म खर्च लाग्ने हामीले अहिले थाहा नगरपालिकाबाट निःशुल्क शुरु गरेको र यस्ता शिविरहरु जिन एक्सपोर्ट मेसिनबाट स्वास्थ्य जाँच गरेको अस्पताल व्यवस्थापन समितिका उपाध्यक्ष राजिव स्याङ्तान बताउनु हुन्छ । अत्याधुनिक मेसिनबाट छातिको जाँच गरेकोमा रोग अलि जटिल भएको राेगीकाे उपचारको लागि काठमाण्डौंको अस्पतालमा लैजाने अस्पताल व्यवस्थापन समितिका अध्यक्ष दिपक सिं लामाले बताउनु भयो । आज मात्रै ९० जनाको परिक्षण गरिएकोमा ४५ जनामा क्षयरोगको लक्ष्ण देखिएको रेडियो लोजिष्ट निकेश कुमार मिकलमले थाहा पाटिलाई जानकारी दिनु भयो तर त्यसको पूर्ण विवरण सोमवार प्रा.स. केन्द्रमा आउनेछ भनेर बताउनु भयो ।