थाहाको वडा न ३ ले दियो आफ्नो वडा भित्रका सामुदायिक विद्यालयका २५ जनालाई छात्रवृत्ति

थाहा नगरपालिका वडा न ३ ले आफ्नो वडा भित्र रहेको सामुदायिक विद्यालयमा अध्यनरत २५  जना विद्यार्थी हरुलाई छात्रवृत्ति प्रदान गरेको छ 
थाहा नगरपालिकाको बिकास घरमा आज एक औपचारिक कार्यक्रमको आयोजना गरी थाहा नगरपालिकाको प्रमुख बिष्णु बिष्टले छात्रवृत्ति हस्तान्तरण गर्नुभयो |

वडा न ३ को सेती गणेश आधारभूत विद्यालयका ६ जना,जनता प्राविका ६ जना,जनकल्याण माविका ११ जना र पालुंग बहुमुखी क्याम्पसमा अध्यनरत २ जना विद्यार्थी लाइ शैक्षिक सामाग्री सहित छात्रवृत्ति प्रदान गरियको हो |
छात्रवृत्तिमा पालुंग क्याम्पसमा अध्यनरतको लागि भर्ना शुल्क सहित मासिक शुल्क प्रदान गरियको थियो भने जनकल्याण माविमा ११ र १२ मा अध्यनरतको लागि कोट पाइन्ट सहित अन्य शैक्षिक सामाग्री तथा अन्य विद्यार्थीहरुलाई विद्यालय पोसाक ,जुत्ता ,स्विटर सहित अन्य शैक्षिक सामाग्री उपलब्ध गराइयको वडा न ३ का अध्यक्ष हिरेन्द्र कुमार रायमाझीले जानकारी दिदै छात्रवृत्ति पाएका विद्यार्थी हरुको अनुगमन समेत हुने बताए |

छात्रवृत्ति हस्तान्तरण कार्यक्रममा बोल्दै प्रमुख अतिथि मेयर बिस्टले सामुदायिक विद्यालयको शैक्षिक गुणस्तर सुधारका लागि व्यापक पहलको आबश्यकता औल्याउदै थाहा नगर भित्र रहेका सामुदायिक स्कुलको अवस्था सुधार्न अभिभावक ,शिक्षक ,तथा विद्यार्थी र नगरपालिका समेत तेत्तिकै जिम्मेवार भएर लागिपर्नुपर्ने बताउदै आफ्नो जिम्मेवारी बहन नगरुन्जेल सामुदायिक स्कुलले  गुणस्तरीय शिक्षा प्रदान गर्न नसक्ने बताउनुभयो| 

वडा न ३ का अध्यक्ष हिरेंद्रकुमार रायमाझीको अध्यक्षतामा सम्पन्न कार्यक्रममा प्रमुख अतिथि बिष्णु बिष्ट,थाहा नगर शिक्षा शाखा अधिकृत माधव विक्रम मल्ल,वडा न ४ का अध्यक्ष नारायण लामा,३ न वडाका वडा सदस्यहरु,छात्रवृत्ति पाउने विद्यालयका शिक्षक प्रतिनिधिहरु,पालुंग क्याम्पसका क्याम्पस प्रमुख राजन मिश्र,थाहापाटि अनलाइनका सम्पादक शम्भु अधिकारी,लगायत विद्यार्थी तथा अभिभावकहरुको उपस्थिति रहेको थियो